«Փաշինյանն Ալիևի հետ փոխհամաձայնեցված խաղում է, սա բացահայտ իրող ություն է, որը չնկատել հնարավոր չէ»,-Yervan.Today-ի հետ զրույցում ասաց ռազմական փորձագետ Դավիթ Ջամալյանը։ Նրա խոսքով՝ Ադրբեջանը սեղմում է օղակը, լայն առումով, հայոց պետականության շուրջ, ոչ թե՝ Արցախի․ «Ակներևաբար Ալիևը շտապում է՝ շատ լավ հասկանալով , որ Նիկոլ Փաշինյանի իշխանության հիմքերը երերուն են»։

Դավիթ Ջամալյանն ասում է, որ կա ընդվզման այնպիսի պոտենցիալ, որ ամեն վայրկյան կարող է իրավիճակ փոխվել։ «Էս մարդը փողոցում քայլել չի կարողանում, մեկը անձրևանոց է շպրտում, մյուսը դավաճան է գոռում ․․․ Իրականում սրան հավատացող մարդ չկա, ատելություն կա սարսափելի»,-նշում է մեր զրուցակիցը։

Դավիթ Ջամալյանի խոսքով, Արցախում կարող է իրավիճակը կայունանալ, քանի որ, ինչպես ինքն է նշում, համբերատար ու հանդուրժող Վոլկովի փոխարեն գալիս է զինվորականի հանդուգն նախաձեռնողականությամբ զորախմբի հրամանատար։

«Էս պահին մեր ամբողջ հույսը Ռուսաստանն ու բարեկամ Իրանն են, որովհետև երկու հզոր ուժ շահագրգռված է ռեգիոնում տեսնել կայուն, զարգացող, սուբյեկտայնություն ունեցող Հայաստան, բայց մյուս կողմից ողբերգությունն այն է, որ թրքահպատակ ոչնչությունների զանգվածն առ այասօր իշխում է երկրում և բոլոր այն նպատակները, որ իրենց իշխանության բերած բրիտանաթուրքական կենտրոնները դրել են հետևողականորեն կյանքի են կոչում՝ սկսած Հայոց եկեղեցու առարկան դպրոցից հանելուց» ։

«Փաշինյանը գիտի, որ այն պատվերները, որոնք տրված են արևմտյան կենտրոններից եթե մինչև վերջ կյանքի չկոչի հենց այդ կենտրոնններն իր վերջը տալու են»,-ասում է Դավիթ Ջամալյանը։