Ճապոնիայի 89-ամյա բնակիչը գրանցվել է Գինեսի ռեկորդների գրքում՝ որպես աշխարհի ամենատարեց սերֆեր, գրում է Oddity Central-ը։

Զարմանալի է նաև, որ ճապոնացին սկսել է զբաղվել այս սպորտաձևով միայն 80 տարեկանում։

Տոկիոյի բնակիչ Սեյչի Սանոն պաշտոնապես դարձել է աշխարհի ամենատարեց սերֆերը։ Թոշակառուն պատմել է, որ լողում է միայն փոքր ալիքների վրա, իսկ առաջին անգամ սերֆինգի տախտակին է բարձրացել ինը տարի առաջ: Մինչ այդ նա զբաղվել է լեռնամագլցությամբ, սակայն որոշել է մարտահրավեր նետել իրեն։

«Մարդիկ ինձ ասում են, որ սերֆինգը վտանգավոր է, բայց ես շատ ավելի սարսափելի պահեր եմ ունեցել մեքենայի ղեկին, քան տախտակի վրա»,-կիսվել է Սեյչին: