Հնագետները ջրի տակ հայտնաբերել են Նաբաթեացիների հեղեղված տաճար՝ հին հռոմեական ժամանակաշրջանի մարմարե զոհասեղաններով։ Այն գտնվում է Իտալիայի Կամպանիա շրջանի Պոզուոլիի ափերի մոտ։

Նաբաթյան թագավորությունը Հռոմի դաշնակիցն էր, իսկ Պոզուոլին, որը հայտնի էր Պուտեոլի անունով, ապրանքների արտահանման հիմնական կենտրոնն էր։ Բնակիչներն այստեղ կառուցել են իրենց գլխավոր աստված Դուզարեսին նվիրված սրբավայր։

Ելնելով հրաբխային շրջանի առանձնահատկություններից՝ ժամանակի ընթացքում փոխվել է թերակղզու երկրաբանությունը, ինչը հանգեցրել է հնագույն քաղաքի մասնակի հեղեղմանը։ Հնագետները հայտնաբերել են նաև 1-ին դարի երկու մարմարե զոհասեղաններ, որոնք նույնպես ջրի տակ են եղել։

«Հին Պուտեոլին բացահայտում է իր գանձերից ևս մեկը՝ վկայելով հին աշխարհում միջերկրածովյան ավազանում առևտրի, մշակութային և կրոնական փոխանակումների հարստության և հսկայականության մասին»,-ասել է մշակույթի նախարար Ջենարո Սանջուլիանոն:

Ստորջրյա հետազոտությունների շնորհիվ հնագետները կարողացել են ճշտել տաճարի գտնվելու վայրը քաղաքի այն հատվածում, որտեղ օտարերկրացիները զբաղվում էին առևտրով և բիզնեսով։

Աղբյուրը՝ news.am