Ինչպես հայտնում է «lenta.ru»–ն, Ուկրաինայում գողը մինչ հանցագործության վայրից գողոնով փախչելը լողացել ու սափրվել է։ Տեղի  ոստիկանությունը հայտնում է, որ դեպքը  տեղի է ունեցել Պոլտովսկի շրջանի Կոտելվա թաղամասում։ Թե հստակ երբ է տեղի ուենցել անսովոր  հանցագործությունը՝ չի հստակեցվում։

Հայտնի է, որ մաքրասեր  գողին բնակարանում հայտաբերել է տան տիրուհին։  29–ամյա կինը եկել է տուն և իր բնակարանում հայտնաբերել է անծանոթ տղամարդու, ով տեսքից դատելով՝ հենց նոր էր լողացել և հայելու մոտ սափրվում էր։

Կինը բնակարանից դուրս է վազել բակ և բջջային հեռախոսից զանգահարել  ոստիկանություն։ Քանի դեռ բնակարանի տիրուհին շփվում էր իրավապահ մաիմինների  աշխատակիցների հետ՝ չարագործը փախել է դեպքի  վայրից իր հետ տանելով տանտիրուհու ոսկյա զարդերը։

Հանցագործին հնարավոր է եղել գնտնել տաք հետքերով։ Դա 40–ամյա մի տղամրադ է եղել։  Տղամարդու մոտ պայուսակ են գտնել, որի մեջ  եղել  են կնոջ  զարդերը։  Դեպքի  առթիվ քրեական գործ է հարուցվել։ Մաքրասեր  հանցագործին սպառնում է 4–8 տարվա ազատազրկում։