Ընթացիկ տարվա առաջին ամսվա արդյունքներով Ադրբեջանը 12%-ով ավելի շատ բնական գազ է ուղարկել արտասահմանյան երկրներ, քան նախորդ տարվա նույն ժամանակահատվածում։

Ընդհանուր առմամբ, վառելիքի արտահանման ծավալը կազմել է 2,7 միլիարդ խորանարդ մետր, մեջբերում է «Կոմերսանտ» թերթն Ադրբեջանի էներգետիկայի նախարար Փարվիզ Շահբազովի խոսքերը։

«Հունվարի արդյունքներով Ադրբեջանն ավելացրել է գազի արտահանումը 12%-ով՝ նախորդ տարվա նույն ժամանակահատվածի համեմատ։ Ադրբեջանական գազի արտահանումը Եվրոպա կազմել է 1 միլիարդ խորանարդ մետր, Թուրքիա՝ 0,9 միլիարդ խորանարդ մետր, դեպի Վրաստան՝ 0,3 մլրդ խորանարդ մետր: Բացի այդ, Անդրատլանտյան գազատարը (TANAP) Ադրբեջանից Եվրոպա, Թուրքիա է մատակարարել 0,5 միլիարդ խորանարդ մետր գազ»,-ասել է Շահբազովը։

Ադրբեջանական գազի արտահանման աճը Եվրամիության (ԵՄ) երկրներ մեծապես պայմանավորված է միջազգային պատժամիջոցների պատճառով տարածաշրջան ռուսական վառելիքի մատակարարումների կտրուկ կրճատմամբ։

Այս պայմաններում ԵՄ իշխանությունները Բաքուն դիտարկում են որպես Ռուսաստանի Դաշնության հարցում գազի հնարավոր այլընտրանքային փոխարինողներից մեկը։

Աղբյուրը՝ tert.am