Լրագրողների հետ հանդիպման ժամանակ անդրադառնալով ԱԼՄ հեռուստաընկերությանը արտոնագիր չտրամադրելուն՝ «Ժողովրդական» կուսակցության նախագահ, ԱԼՄ հոլդինգի նախագահ Տիգրան Կարապետյանն ասել է, թե այս ամենը ցինիկ անարդարություն է, և ինքը, բարձրաձայնելով բոլոր անարդարությունները, այդ թվում հեռուստաընկերության հետ կապված խնդիրը, պայքարելու է մինչև վերջ։

Պատասխանելով այն հարցին, թե արդյոք ՀԱԿ-ը անհանգստանալու տեղ ունի՞՝ տեսնելով, որ Տիգրան Կարապետյանի կազմակերպած հանրահավաքներին գալիս է այնքան մարդ, որքան իր հանրահավաքին՝ «Ժողովրդական» կուսակցության նախագահն ասել է, թե եթե ՀԱԿ-ն անհանգստացած չլիներ, հունվարի 18-ին՝ իր հանրավաքից մեկ օր առաջ, հանրահավաք չէր հրավիրի։

Տիգրան Կարապետյանը հավաստիացրել է, որ իր քաղաքական պայքարում համագործակցության համար բոլորի առջև դռները բաց են։ Հարցին, թե հնարավո՞ր է՝ ինքը միանա ՀԱԿ-ին, նա պատասխանել է.

-Բայց ե՞ս ինչու պետք է միանամ ՀԱԿ-ին, է՜, թող ՀԱԿ-ը մեզ միանա։

7or.am