Ֆուտբոլիստ Կրիշտիանու Ռոնալդուն Instagram-ում նոր ընտանեկան լուսանկարներ է հրապարակել՝ ցույց տալով՝ ինչպես է ընտանիքի հետ զվարճանում ու լավ ժամանակ անցկացնում։ Ռոնալդուի հետ լուսանկարներում նրա սիրելին՝ մոդել Ջորջինա Ռոդրիգեսը, ինչպես նաև չորս երեխաները՝ Կրիշտիանու կրտսերը, Եվան, Մատեոն, Ալանան են:

«Հիանալի ժամանակ՝ իմ սիրելիների հետ»,-լուսանկարների տակ գրել է Ռոնալդուն։

Բաժանորդներն արձագանքել են գրառմանը՝ «Ընտանիքի հետ օրը լավագույն ժամանակն է», «Վայելիր», «Ես քեզ սիրում եմ», «Հրաշալի», «Ամենագեղեցիկ ընտանիքը»:

Հիշեցնենք, որ այժմ Ռոնալդուն և իր ընտանիքը Սաուդյան Արաբիայում են։ Հունվարի 2-ին պարզվել է, որ ֆուտբոլիստը դարձել է սաուդական «Ալ-Նասր»-ի խաղացող և պայմանագրով տարեկան կստանա 200 մլն եվրո։ Հաղորդվել է նաև պորտուգալացուն և նրա ընտանիքին հասանելիք հավելյալ արտոնությունների մասին: Նա ակումբից կստանա շքեղ կացարան, ինչպես նաև ինքնաթիռ Պորտուգալիա և Իսպանիա թռիչքների համար և մեծ ուշադրություն կդարձնի իր և իր ընտանիքի կարիքներին: Բացի այդ, Ռոնալդուին թույլատրվել է ապրել իր ընկերուհու՝ Ջորջինա Ռոդրիգեսի հետ, թեև Սաուդյան Արաբիայի օրենքներով համատեղ կյանքն արգելված է։