Գերմանիայի կանցլեր Օլաֆ Շոլցն ընդունել է Գերմանիայի պաշտպանության նախարար Քրիստինա Լամբրեխտի հրաժարականը և շուտով այս պաշտոնում նոր թեկնածու կներկայացնի։ Այս մասին հայտնում է The Guardian-ը։

Նշվում է, որ Գերմանիայի նախագահ Ֆրանկ-Վալտեր Շտայնմայերը կքննարկի Շոլցի ներկայացրած Գերմանիայի ՊՆ ղեկավարի թեկնածությունները, իսկ մինչ այդ Լամբրեխտը ժամանակավորապես կկատարի Գերմանիայի պաշտպանության նախարարի պարտականությունները։

Ավելի վաղ հայտնի էր դարձել, որ Լամբրեխտը հրաժարականի դիմում է ներկայացրել գերմանական լրատվամիջոցների կողմից իր վրա գործադրվող ճնշումների պատճառով։ Լամբրեխտը շնորհակալություն է հայտնել բոլորին, ում հետ աշխատել է Գերմանիայի քաղաքացիների անվտանգությունն ապահովելու համար:

Աղբյուրը՝ tert.am