Մամուլի ազգային ակումբի և ԱՄՆ ազգային ժողովրդավարական ինստիտուտի կազմակերպած «Նախընտրական պայքարի միտումները Հայաստանում և համագործակցության հնարավորությունները քաղաքական ուժերի միջև» թեմայով քննարկմանն ԱԺ «Ժառանգություն» խմբակցության անդամ Արմեն Մարտիրոսյանը նշել է, որ իրենց կուսակցությունը միշտ էլ պատրաստ է եղել համագործակցության։

–Ինչ վերաբերում է դաշինքներին, ապա նշեմ, որ եթե պետք է դաշինք լինի, ապա պետք է լինի երկարատև, քանի որ փորձը ցուց է տալիս, որ կարճատև միավորումներն արդյունքներ չեն տալիս. դրանք հնարավոր են, եթե այդ ուժերի գաղափարախոսությունը համապատասխանի մեր գաղափարներին։ Մենք պետք է անցնենք խորհրդարանական կառավարման համակարգի,–ասել է Արմեն Մարտիրոսյանը։

Ըստ նրա՝ եթե անցնենք 100%–ոց համամասնական ընտրակարգի, ապա ՀՀԿ–ն հենց այնպես 30%–ից ավելի տեղ չի ունենա խորհրդարանում։

7or.am