Ճիզվիտ քահանան, որն, ինչպես հաղորդվում է, մտերիմ է Հռոմի պապ Ֆրանցիսկոսի հետ, մեղադրվել է երկու միանձնուհիների «Սուրբ Երրորդության»՝ երեքով սեքսի հրավիրելու մեջ: Այժմ նրան մեղադրում են տասնամյակներ առաջ սեռական և հոգևոր բռնությունների մեջ։

Նախկին միանձնուհին պնդում է, որ Մարկո Իվան Ռուպնիկը մոտ երեք տասնամյակ առաջ օգտագործել է իր «փսիխո-հոգեբանական» վերահսկողությունը, որպեսզի ստիպի իրեն դիտել պոռնոֆիլմեր և զբաղվել խմբակային սեքսով, որը, քահանայի խոսքով, «կրոնական նշանակություն» ունի։

68-ամյա Ռուպնիկը եղել է Սլովենիայի վանքի խոստովանահայրը և ստեղծել է խճանկարներ եկեղեցիների, այդ թվում՝ Վատիկանի պապական կապելլայի համար։

Նախկին միանձնուհին իտալական Domani թերթին ասել է, որ «հայր Մարկոն դանդաղ ու քաղցր սկսել է ներթափանցել իմ հոգեբանական և հոգևոր աշխարհ՝ օգտագործելով իմ անավստահությունն ու փխրունությունը և օգտագործելով Աստծո հետ իմ հարաբերությունները, որպեսզի ինձ մղի իր հետ սեռական հարաբերությունների», գրում է Daily Mail-ը։

Նախկին միանձնուհին նաև պնդել է, որ Ռուպնիկը խնդրել է իրեն և մեկ այլ միանձնուհու իր հետ սեքսով զբաղվել՝ ասելով, որ իրենք կվերարտադրեն եռակողմ հարաբերությունները Հայր Աստծո, Հիսուսի և Սուրբ Հոգու միջև:

Կնոջ խոսքով՝ Ռուպնիկը բռնաբարել է առնվազն 20 կնոջ։ Նա ասել է, որ բռնության մասին իր առաջին բողոքը եղել է 1994 թվականին, սակայն ինչպես Սլովենիայում, այնպես էլ Հռոմում Ռուպնիկի հետևորդներն այն անտեսել են:

Աղբյուրը՝ news.am