Հայոց ցեղասպանության հիշատակի օրը ողջ աշխարհում, այնպես էլ Հունաստանում, բազմաթիվ սգո արարողություններ են տեղի ունեցել։ Հարյուրավոր մարդիք, Հայաստանի դրոշի ներքո, հավաքվել են Աթենքի կենտրոնական հրապարակում և երթով գնացել դեպի Թուրքիայի դեսպանատուն։ Այնտեղ նրանք փորձել են Հայոց ցեղասպանությունն ընդունելու պահանջագիր ներկայացնել Թուրքիայի դիվանագետներին, բայց հունական ոստիկանությունը ցուցարարներին թույլ չի տվել մոտենալ դեսպանատանը և մարդկանց ցրելու համար օգտագործել է արցունքաբեր գազ։ Տուժածների և ձերբակալվածների մասին տեղեկություններ չկան։

Մեր տեղեկություններով՝ հունահայ բոլոր կազմակերպություններն իրենց վրդովմունքն են արտահայտել միջադեպի կապակցությամբ, ինչպես նաև հույս են հայտնել, որ Հունաստանի կառավարությունը պատշաճ կարձագանքի և բացատրություն կտա միջադեպի վերաբերյալ։