Երկուշաբթի օրը՝ սեպտեմբերի 19-ին, ժամը 11-ին,  ՀՀ Տնտեսական մրցակցության պաշտպանության պետական հանձնաժողովի  նիստում կհրապարակվի լուծվող սուրճի ներկրման ոլորտում գերիշխող դիրք ունեցող «Մոկոնաթ» ընկերության հանդեպ հարուցված վարչական վարույթի արդյունքները:

Դեմպինգ, խտրական գների կիրառում և անհիմն գնաճ. Ընկերության վարքագծի հետ կապված ուշագրավ բացահայտումներ

Հանձնաժողովի ուսումնասիրություններով բացահայտվել է, որ, վերոնշյալ ընկերությունը տևական ժամանակ լուծվող սուրճն իրացրել է խիստ տարբերակված գներով,իսկ որոշ դեպքերում էլ՝ անհիմն կերպով բարձրացրել է գինը: Բացի այդ, մի որոշ ժամանակահատված  էլ «Մոկոնաթը» գների կտրուկ իջեցման միջոցով փորձել է շուկայից դուրս մղել իր մրցակիցներին, ըստ էության՝ իրականացնելով դեմպինգ:

Տեղեկացնենք նաև, որ  «Մոկոնաթ» ընկերությունը խոշոր մասնաբաժիններ ունի նաև «Սառեցրած ձկներ», «Ներկրվող սառեցված միս» և «Բրինձ» ապրանքային  շուկաներում: