Ազգային ժողովում այսօր ՀՀ էկոնոմիկայի նախարար Տիգրան Դավթյանի զեկուցմամբ քննարկվել է «Առևտրի և ծառայությունների մասին» ՀՀ օրենքում փոփոխություններ և լրացումներ կատարելու մասին օրինագիծը: Օրիանգիծը նախատեսում է օրենքի 2-րդ հոդվածում «հեղուկ վառելիքի, տեխնիկական հեղուկների, հեղուկացված գազերի մանրածախ առեւտրի կետ» հասկացությունը շարադրել հետևյալ խմբագրությամբ` «հեղուկ վառելիքի, սեղմված բնական կամ հեղուկացված նավթային գազերի մանրածախ առեւտրի կետ` օրենսդրությամբ սահմանված կարգով հատկացված վայրերում քաղաքաշինական եւ տեխնիկական անվտանգության նորմերին համապատասխան կառուցված` հեղուկ վառելիքի, սեղմված բնական կամ հեղուկացված նավթային գազերի վաճառքի օրենքով եւ այլ իրավական ակտերով սահմանված պահանջները բավարարող լցավորման մշտակա (ստացիոնար) կայան.»:

Ըստ Տիգրան Դավթյանի` այս օրենքը թույլ կտա նպաստելու բարձր լեռնային շրջաններում և սահանամաերձ գոտիներում ձեռներեցությանը:

Բանն այն է, որ սհամանամերձ և բարձր լեռնային շրջանների նկատմամաբ տուրքերը ավելի ցածր են լինելու:

Ըստ Տիգրան Դավթյանի` եթե հեղուկ վառելիքի, սեղմված բնական կամ հեղուկացված նավթային գազերի վաճառքի օրենքով և այլ իրավական ակտերով սահմանված պահանջները բավարարող լցավորման մշտակա (ստացիոնար) կայանների համար նախատեսվում է 150-200 հազ դրամ, ապա բարձրլեռնային գոտիներում և սահմանամերձ շրջաններում այն կկազմի 80-100 հազ. Դրամ:

ՀՅԴ պատգամավոր Արա Նռանյանի այն հարցին, թե արդյո՞ք կառավարությունը մտադրություն ունի ոչ միայն այս, այլ նաև այլ ոլորտներում սահմանամերձ գոտիների նկատմամբ տարբերակված մոտեցում ցուցաբերի`Տիգրան Դավթյանն ասել է, թե նման մտորումներ կան, սակայն յուրաքանչյուր հարցի հետ կապված պետք է առանձին քննարկում կազմակերպվի:

7or.am