Հայ Հեղափոխական Դաշնակցության Գերագույն մարմնի ներկայացուցիչ Արմեն Ռուստամյանը Ծիծեռնակաբերդում «7 օր»-ին ասել է, որ ապրիլի 22-ին շրջանառության մեջ դրված Հայաստանի և Թուրքիայի համատեղ հայտարարությունն իրենց համար անակնկալ էր և այժմ սպասում են նախագահ Սերժ Սարգսյանի պարզաբանումներին։

-Ի վերջո, նախագահն է արտաքին քաղաքականության պատասխանատուն և ամենամոտ ժամանակներս, երբ նրա հետ այս հարցերը կքննարկենք, մեր որոշումը կկայացնենք։ Դաշնակցությունը մի քանի սկզբունքներ ունի, որով, որպես տեսակ, հայտնի է և որին հնարավոր չի փոխել, ու կպնել այդ տեսակի նվիրական սկզբունքներին,- ասել է Ա. Ռուստամյանը՝ հավելելով, որ կոալիցիայից դուրս գալուց հետո քաղաքական դաշտում իրենք իրենց ուրույն տեղը կունենան։