«Անընդունելի է, ոչ կոռեկտ». Պուտինն ասել է, որ զարմացել է՝ կարդալով Մակրոնի հայտարարությունները Ղարաբաղի վերաբերյալ

● Աշխարհ

14.10.2022 ● 11:47

«Անընդունելի է, ոչ կոռեկտ». Պուտինն ասել է, որ զարմացել է՝ կարդալով Մակրոնի հայտարարությունները Ղարաբաղի վերաբերյալ

Ռուսաստանի նախագահ Վլադիմիր Պուտինը ոչ կոռկետ և անընդունելի է որակել Ֆրանսիայի նախագահ Էմանուել Մակրոնի հայտարարությունները Ղարաբաղում Ռուսաստանի Դաշնության, իբր, ապակառուցողական դերի մասին, հայտնում է «ՏԱՍՍ»-ը:

«Ես զարմացա՝ երեկ կարդալով Ֆրանսիայի նախագահի որոշ մեկնաբանություններ»,-ԱՊՀ գագաթնաժողովում ասել է ՌԴ ղեկավարը:

ՌԴ նախագահը կարծում է, որ այդ խոսքերում բացակայում է հակամարտության բուն ընթացքի ընկալումը, բացակայում է կողմերի դիրքորոշման մասին տեղեկատվությունը:

«Հնարավորություն կլինի. մենք կքննարկենք սա Ֆրանսիայի նախագահի հետ»,-ընդգծել է Պուտինը՝ հավելելով, որ «Ռուսաստանը միշտ անկեղծորեն ձգտել է լուծել ցանկացած հակամարտություն՝ ներառյալ Ղարաբաղին և նրա շուրջ հարցերը»։

Հիշեցնենք՝ Ֆրանսիայի նախագահ Էմանուել Մակրոնը մեղադրել է Ռուսաստանին Հայաստանի և Ադրբեջանի միջև վերջին բախումները միտումնավոր հրահրելու մեջ:

Ֆրանսիայի նախագահը հայտարարել է, թե ռուսներն օգտագործել են ԼՂ հակամարտությունը, որ «խաղան Ադրբեջանի խաղը՝ թուրքական մասնակցությամբ»:

Աղբյուրը՝ aysor.am

● Այս խորագրի վերջին նյութերը

Թուրքիայում պատրաստվում են ընդունել «օտարերկրյա գործակալների» մասին օրինագիծ

02.11.2024 ● 11:43

Օրենքն ուղղված է լինելու «այլ երկրների կամ օտարերկրյա կազմակերպությունների համար աշխատողների դեմ, որոնք սպառնում են Թուրքիայի ազգային անվտանգությանը»։