Մոսկվայից Երևան մեկնած ինքնաթիռը վայրէջք է կատարել Միներալնիե Վոդիում

● Աշխարհ

28.09.2022 ● 08:50

Մոսկվայից Երևան մեկնած ինքնաթիռը վայրէջք է կատարել Միներալնիե Վոդիում

«Աերոֆլոտ» ընկերության ինքնաթիռը, որը Երևան էր մեկնել Մոսկվայից, տեխնիկական պատճառներով վայրէջք է կատարել Միներալնիե Վոդիում։ Տեղեկությունը հայտնում է ՌԻԱ Նովոստին` հղում անելով ընկերության ներկայացուցչին։

Նշվում է, որ թռիչքը կշարունակվի օդանավը փոխարինելուց հետո:

«Սեպտեմբերի 27-ի չվերթի ինքնաթիռը, որը պետք է «Շերեմետևո» օդանավակայանից հասներ Երևան, տեխնիկական պատճառներով վայրէջք է կատարել Միներալնիե Վոդիում»,–ասված է հաղորդագրությունում։

Միաժամանակ «Baza» տելեգրամյան ալիքը գրում է, որ փոխարինման անհրաժեշտությունն առաջացել է «Աերոֆլոտի» միանգամից երկու օդանավերի լիցենզիայի ժամկետը լրանալու պատճառով:

Ըստ «Baza»-ի՝ խոսքը վերաբերում է SU 7072 և SU 1868 չվերթեր իրականացնող ինքնաթիռներին, որոնք այսօր երեկոյան մեկնել են «Շերեմետևոյից»:

«Օդաչուները թռիչքի ժամանակ են իմացել, որ իրենց օդանավերի լիցենզիան ավարտվել է»,-հայտնել է աղբյուրը:

Արդյունքում երկու ինքնաթիռները ստիպված են եղել վայրէջք կատարել Միներալնիե Վոդիում։

Աղբյուրը՝ armeniasputnik.am

● Այս խորագրի վերջին նյութերը

Թուրքիայում պատրաստվում են ընդունել «օտարերկրյա գործակալների» մասին օրինագիծ

02.11.2024 ● 11:43

Օրենքն ուղղված է լինելու «այլ երկրների կամ օտարերկրյա կազմակերպությունների համար աշխատողների դեմ, որոնք սպառնում են Թուրքիայի ազգային անվտանգությանը»։