«Ազնավուրի հրապարակ» ֆիլմը նկարահանվել է 2010 թվականին: Հեղինակները Վայրի բնության և մշակութային արժեքների պահպանման հիմնադրամի Գյումրիի էկոակումբի սաներն են` դպրոցականներ Աննա Ասատրյանը, Արման Գասպարյանը, Անժելա Գասպարյանը, Արթուր Հարությունյանը, Արսեն Խաչատրյանը, Լիլիթ Մաթևոսյանը, Քնարիկ Գասպարյանը Անուշիկ Միքայելյանը, Վարուժ  Ղազարյանը, Ալեքսան  Վարոսյանը, Դավիթ Համբարյանը, Անի Մանուկյանը, Արմինե  Կյուրեղյանը: Ֆիլմը ներկայացնում է պատանիների հետաքննությունը իրենց քաղաքի աղբի խնդիրների վերաբերյալ: Ըստ հեղինակների, աղբահանությունն այսօր մեծ խնդիր է Գյումրիում, և թեև Գյումրին  Հանրապետության երկրորդ քաղաքն է, այնուամենայնիվ նույնիսկ կենտրոնական փողոցները, այդ թվում քաղաքի Շառլ Ազնավուրի անվան նորակառույց հրապարակը, շարունակում են աղբի մեջ մնալ: Ֆիլմի հեղինակները ներկայացնում են ոչ միայն քաղաքի աղտոտված պատկերը, այլ փորձում են հասկանալ, թե ինչպես են այդ խնդրով զբաղվում պատասխանատու այրերը. Հեղինակների կինոխցիկը որսացելե է այրերի անգործությունը և պաշտոնական մեկնաբանություններից հրաժարումը: Պատանիներն առանց մեկանաբանությունների դիտողին ներկայացնում են, թե ինչպես այդ անգործության արդյունքում քաղաքի բազմաթիվ բնակիչներ մինչ օրս ապրում են անարժանապատիվ կյանքով` աղբի և փլատակների անլուծելի խնդիրների մեջ:

Ֆիլմը կարող եք դիտել այստեղ` http://tv.sunchild.org/index.php?id=31&L=2&tx_ttnews[tt_news]=114&cHash=cfd93a66ddac5c6c53d9fb4ab51b959e