Ակնհայտ է․ Գերասիմին զրկել են ազատությունից, որ կասեցնեն Հայրենիքի պաշտպանության, ազգային արժանապատվության վերականգնման և ազգային իղձերի իրականացման համար մղվող նրա ՊԱՅՔԱՐԸ։

Առավել ակնհայտ է․ չեն հաջողել, չեն հաջողելու և պատասխան են տալու յուրաքանչյուր ապօրինություն համար։

Հայրենիք ունենալու համար վճռական պայքարող ցանկացած ՀԱՅ մարդ չի կարող հոգնել, կոտրվել, հիասթափվել։ Զրկանքները նրան ավելի ուժեղ և վճռական են դարձնում։

Գերասիմը ՀԱՅՐԵՆԻՔԻ պաշտպանության համար պայքարել է մարտի դաշտում։ 2016թ․ ապրիլյան քառօրյա պատերազմի ընթացքում ՀՅԴ Շուշիի առանձնակի գումարտակի կազմում մասնակցել է Արցախի հյուսիսային սահմանների պաշտպանությանը։ ՀՅԴ վաշտերի կազմում 2020թ-ի 44-օրյա պատերազմի մասնակից է։

Դրանից հետո՝ փողոցային պայքարում ունեցել է կարևոր դերակատարում։

Հիմա էլ շարունակվում է նրա պայքարը անազատության մեջ՝ ավելի վճռական և անբեկանելի։

Հետևաբար այլևս փաստ է․ Գերասիմ Վարդանյանը նույնիսկ քրեակատարողական հիմնարկում ավելի ազատ է, քան նրան անազատության մեջ պահելու քաղաքական նենգ պատվեր տվողները ․․․

Վաղը՝ սեպտեմբերի 8-ին, ժամը 15։30-ին Երևան քաղաքի դատարանի Կենտրոն նստավայրում տեղի է ունենալու Գերասիմ Վարդանյանի վերաբերյալ «քրեական գործով» դատական հերթական նիստը։

Թադևոս Ավետիսյանի ֆեյսբուքյան էջից