"Սուրմալու" առեւտրի կենտրոնի պայթյունի փլատակների տակից դուրս են բերվել ՀՊՏՀ Եղեգնաձորի մասնաճյուղի մեր առաջին տարվա ուսանող և շրջանավարտ Մարիամ Խաչատրյանի, նրա հղի քույրիկի և վերջինիս հինգ տարեկան լուսավոր բալիկի դիերը։ Նրանք գնացել էին ապագա բալիկի ծնվելու հետ կապված նախատրաստական գնումների...

Վիշտ կա, որի համար մխիթարության խոսքեր գտնել հնարավոր չէ, երևույթներ կան, որոնց հետ հաշտվել հնարավոր չէ։

Մարիամը Եղվարդից եկել էր Եղեգնաձոր` նորաստեղծ մասնաճյուղում սովորելու։ Առաջին տարին մեր ուսանողների թիվը շատ փոքր էր և ես, որպես մասնաճյուղի տնօրեն, ակամա դարձել էի նրանց բոլորի ավագ եղբայրը, ստեղծվել էր մի գեղեցիկ, համերաշխ ընտանիք։ Մարիամի Եղեգնաձորում սովորելն առիթ էր եղել, որ նրա քույրն ամուսնանա մեր մասնաճյուղի ուսանողներից մեկի հետ, ստեղծեն գեղեցիկ ընտանիք...

Չարագործների կառավարությունն այս տարի որոշեց փակել ՀՊՏՀ Եղեգնաձորի մասնաճյուղը, իսկ նրանց մեկ այլ հանցանքին զոհ գնած դրա հետ կապված մի լուսավոր ընտանիք։

Ու որևէ մեկը մտածում է որ սրանց մենք պիտի ներե՞նք։

Էդգար Ղազարյանի ֆեյսբուքյան էջից