Կառավարական հանձնաժողովը խոր վշտով հայտնում է, որ կյանքի 84-րդ տարում սեպտեմբերի 3-ին Մոսկվայում մահացել է Հայկական ԽՍՀ մշակույթի նախկին նախարար, արտաքին գործերի նախկին նախարար, ԽՍՀՄ արտակարգ եւ լիազոր պաշտոնաթող դեսպան Կամո Ուդումյանը:

Կամո Ուդումյանը ծնվել է 1927 թվականին Շամշադինի շրջանի Բերդ գյուղում` ծառայողի ընտանիքում:

1950 թ. գերազանցությամբ ավարտվել է ԵՊՀ պատմության ֆակուլտետը:

1947-1957 թթ. եղել է ԵՊՀ կոմերիտական կազմակերպության քարտուղարի տեղակալ, քարտուղար, ՀԼԿԵՄ Երեւանի քաղկոմի առաջին քարտուղար, կատարել գիտական աշխատանք:

1957-1959 թթ. աշխատել է Հայկական ԽՍՀ Գիտությունների Ակադեմիայի համակարգման խորհրդի գիտական քարտուղար, այնուհետև` պատմության ինստիտուտի գիտական քարտուղար:

1959–1962 թթ. Հայաստանի կոմկուսի Շամշադինի շրջանի առաջին քարտուղարն էր:

1962-1963 թթ. աշխատել է Խաչատուր Աբովյանի անվան Հայկական պետական մանկավարժական ինստիտուտի պրոռեկտոր, 1964-1967 թթ.` ռեկտոր:

1963-1964 թթ.` ԽՍՀՄ ԿԿ-ին կից Մարքսիզմ-լենինիզմի ինստիտուտի հայկական մասնաճյուղի գիտական մասով փոխտնօրեն:

1967-1972 թթ.` Հայկական ԽՍՀ մշակույթի նախարար:

1972-1975 թթ.` Հայկական ԽՍՀ արտաքին գործերի նախարար:

1975 -1979 թթ.` Նեպալում ԽՍՀՄ արտակարգ և լիազոր դեսպան:

1979-1987 թթ.` Լյուքսեմբուրգում ԽՍՀՄ արտակարգ և լիազոր դեսպան:

1987 թվականից տարբեր պաշտոններ է զբաղեցրել ԽՍՀՄ ԱԳՆ-ում, ԽՍՀՄ Գերագույն Խորհրդի նախագահությունում, Մշակույթի խորհրդային  հիմնադրամում:

Կամո Ուդումյանը ընտրվել է Հայկական ԽՍՀ 7-8-րդ գումարումների Գերագույն Խորհրդի  պատգամավոր (1967-1975 թթ.):

1975 թ. ԽՍՀՄ Գերագույն Խորհրդի Նախագահության հրամանագրով նրան շնորհվել է արտակարգ և լիազոր դեսպանի դիվանագիտական աստիճան:

Պատմական գիտություններ դոկտոր Կամո Ուդումյանը մի շարք մենագրությունների հեղինակ:

Կամո Ուդումյանը պարգեւատրվել է ԽՍՀՄ ,Պատվո շքանշանե, ,Հոկտեմբերիյան հեղափոխությանե, ,Ժողովուրդների բարեկամությունե շքանշաններով, Լյուքսեմբուրգի Մեծ Դքսության ,Մեծ խաչիե ասպետ էր:

Ցավակցություն ենք հայտնում Կամո Ուդումյանի հարազատներին և մերձավորներին:

ՀՀ վարչապետի որոշմամբ կազմավորվել է կառավարական հանձնաժողով՝ ԱԳ նախարար Էդվարդ Նալբանդյանի գլխավորությամբ:

Սգո արարողությունը տեղի կունենա ս.թ. սեպտեմբերի 8-ին, ժամը 12:00, Կամերային երաժշտության տանը: