Ո՞րն է պատճառը, որ կուտակային կենսաթոշակային ֆոնդերում գրանցվում է բացասական հաշվեկշիռ

● Տնտեսական

27.07.2022 ● 09:43

Ո՞րն է պատճառը, որ կուտակային կենսաթոշակային ֆոնդերում գրանցվում է բացասական հաշվեկշիռ

Վերջին երկու եռամսյակում կուտակային ֆոնդերը ցույց են տալիս վնասներ, այսինքն` ոչ միայն չի եղել եկամտաբերություն, այլև գրանցվել է բացասական հաշվեկշիռ` եղել են միջոցների կորուստներ։ Սոցցանցերում տարածված մտահոգությունը Sputnik Արմենիայի հետ զրույցում հաստատեց Հանրային կառավարման հարցերի փորձագետ Հովհաննես Ավետիսյանը։

Ըստ նրա` պատճառն այն է, որ կուտակային ֆոնդերի մի որոշ մասը ներդրումներ է իրականացնում եվրոպական և այլ շուկաներում արտարժույթով։

«Օրենքն ասում է, որ գումարների առնվազն 60 տոկոսը դրամով պետք է ներդնել, 40 տոկոսը` արտարժույթով։ Քանի որ փողերի մի ահագին մասն արդեն իսկ վերածվել է արտարժույթի, իսկ հիմա դրամը արժևորվել է, ապա ստացվում է, որ արտարժույթով ներդրումները միայն դրամի արժևորման պատճառով նվազել են առնվազն 20 տոկոսով։ Այսինքն՝ մեր քաղաքացիներն այդքան վնաս են կրել դրամ-դոլար տատանումների պատճառով»,-պարզաբանեց Ավետիսյանը։

Նրա դիտարկմամբ` մյուս գլխավոր պատճառը Եվրոպայում սպասվելիք տնտեսական ճգնաժամն է, հետևաբար գրեթե բոլոր ֆինանսական շուկաները բացասական թրենդի մեջ են, կուտակային ֆոնդերը գտնվում են մեծ ռիսկի տակ և հետագայում հնարավոր է, որ քաղաքացիները նույնիսկ երկարաժամկետ կտրվածքով չունենան եկամուտներ իրենց կուտակային ֆոնդերի այն մասից, որը ներդրվել է դրսում։

«Ֆոնդերը մասնավոր են, պետությունն այդտեղ չկա, կառավարիչները դրամով լուրջ ներդրումներ կատարելու տեղ չունեն։ Հետևաբար մարդիկ գնում են բանկեր և չնչին տոկոսներով ավանդ են ձևակերպում, այսինքն` բանկերի համար էժան փող է ապահովվում, մինչդեռ տվյալ ռեֆորմի նպատակն ի սկզբանե դա չի եղել։ Ստացվում է, որ միլիարդավոր գումարների չափով ահռելի ռեսուրսները, որոնք պետք է ծառայեին պետությանը և մեր հասարակության բարեկեցությանը, աննպատակ գցված են մասնավոր ֆոնդերում ու բանկերում, որոնցից հարստանում են միայն այդ ֆոնդերի ու բանկերի կառավարիչները»,-ասաց Ավետիսյանը։

Փորձագետը հիշեցրեց, որ բյուջեի մեկ երրորդն ուղղվում է կեսաթոշակների ապահովմանը, հետևաբար պետությունը պետք է նախապես միջոցներ ձեռնարկեր, որպեսզի թոշակների հետ կապված հարցերը լուծեր։ Նրա խոսքով` եթե տնտեսությունը կառավարվում է լիբերալ համակարգով, այդժամ բոլոր գործիքները տալիս են մասնավոր սեգմենտին, որն էլ հարստանում է ու շատ դեպքերում թերի ծառայում հանրությանը։

Այսինքն` Սահմանադրությամբ ամրագրված սոցիալական Հայաստանում պետությունն ինքը պետք է լիներ կուտակային ֆոնդերի կառավարիչը, գումարները բացառապես պետք է օգտագործվեին երկրի ներսում` կապիտալ ծախսերի միջոցով զարգացնելով ենթակառուցվածքները, ինչի արդյունքում կլիներ տնտեսական աճ, և ֆոնդերում պահվող գումարներն էլ կունենային եկամտաբերություն` քաղաքացիների համար ստեղծելով ապահով ծերության նախադրյալներ։ Մինչդեռ նման բան չկա, և պետությունն էլ Սահմանադրությամբ քաղաքացիների հանդեպ իր պարտականությունները չի իրականացնում։

Նշենք, որ կուտակային կենսաթոշակային համակարգը Հայաստանում ներդրվել է 2014 թվականից:

Կուտակային կենսաթոշակային ֆոնդի միջոցները ներկայումս կառավարվում են մասնավոր ընկերությունների կենսաթոշակային ֆոնդի կառավարիչների կողմից:

● Այս խորագրի վերջին նյութերը

Միջոցառումների տոմսերի գնման առավել պարզ ու հարմար լուծում․ Ամերիաբանկը ներկայացնում է EventHub.am-ը

11.12.2024 ● 15:51

Գործունեության շուրջ 1 տարվա ընթացքում EventHub-ը հաջողությամբ համագործակցել է միջոցառումների 100-ից ավելի կազմակերպչի հետ` վաճառելով 500-ից ավելի միջոցառման տոմսեր:

Օնլայն տաքսիների վարորդները բողոքի ակցիա են անում․ «Մայր Հայաստանի» անդամները տեղում են (տեսանյութ)

11.12.2024 ● 13:45

Բողոքի ակցիայի վայր են ժամանել Երևանի ավագանու «Մայր Հայաստան» խմբակցության անդամները։

ԿԲ գնահատմամբ՝ Երևանում տրանսպորտի գների փոփոխությունը գնաճի վրա կարող է մինչև 0.5 տոկոս ազդեցություն ունենալ

10.12.2024 ● 17:49

«Մենք ակնկալում ենք, որ մաքսիմալ ազդեցությունը, որ կարող է մյուս տարվա ընթացքում տեսնենք տրանսպորտի գների փոփոխության հետևանքով, մինչ 0.5 տոկոսն է»։

Երեխաների առողջություն, կրթություն, գիտություն․ «Իմ Ամերիա, իմ Հայաստան» նախագծի քվեարկության միջանկյալ արդյունքները (տեսանյութ)

10.12.2024 ● 15:06

Քվեարկության միջանկյալ արդյունքներով առաջատար երեք ոլորտներն են երեխաների առողջությունը, կրթությունը, գիտությունը` քվեների, համապատասխանաբար, 54,4, 19,8 և 6,3 տոկոսներով:

ԿԲ-ն վերաֆինանսավորման տոկոսադրույքն իջեցրել է 0.25 տոկոսային կետով

10.12.2024 ● 14:22

այաստանի Հանրապետության կենտրոնական բանկի կողմից բանկերից ներգրավվող միջոցների տոկոսադրույքը՝ 5.50 %:

Հայաստան-Իրան-Հնդկաստան երթուղու գործարկման եռակողմ հանդիպումը չի կայացել․ մանրամասներ

09.12.2024 ● 09:06

Հայաստանը դեռ չի կողմնորոշվել Իրանի Չաբահար նավահանգստում գործունեության ձևաչափի հարցում։

Հերթական ապօրինի ու քաղաքացուն տուգանքի մատերիալ դարձնող օրինագծի փուչիկը պայթեց (տեսանյութ)

Լեյլա տատիկի թոշակն անգամ չէին տալիս (տեսանյութ)

Գումարը դուրս գրված է, սակայն աշխատանքն արված չէ (տեսանյութ)

● Տնտեսական