Լոս Անջելեսի այգիներից մեկում ավտոշոուի ժամանակ հրաձգություն է տեղի ունեցել․ կան զոհեր ու վիրավորներ

● Աշխարհ

25.07.2022 ● 10:36

Լոս Անջելեսի այգիներից մեկում ավտոշոուի ժամանակ հրաձգություն է տեղի ունեցել․ կան զոհեր ու վիրավորներ

Լոս Անջելեսի Սան Պեդրո համայնքի Փեք այգում ավտոշոուի ժամանակ հրաձգություն է տեղի ունեցել, ինչի հետևանքով երկու մարդ զոհվել է, ևս հինգը՝ վիրավորվել։ Այս մասին հաղորդում է NBC News հեռուստաալիքը՝ հղում անելով իշխանություններին։

Աղբյուրի հաղորդմամբ՝ միջադեպին կարող էր ներգրավված լինել առնվազն երկու հրաձիգ։ Ինչպես նշել է Լոս Անջելեսի ոստիկանության կապիտան Քելի Մունիզը մամուլի ասուլիսի ժամանակ, հրաձգությունն սկսվել է կողմիերի միջև ծագած վիճաբանությունից հետո։ Դեպքի վայրում որոշ զենքեր են հայտնաբերվել։

Հաղորդվում է, որ հոսպիտալացվածներից չորսի վիճակը գնահատվում է ծայրահեղ ծանր։ Վիրավորները 3-54 տարեկան են։

Մունիզի խոսքով՝ միջադեպը տեղի է ունեցել կիրակի կեսօրին, երբ այգում ինքնաշեն մեքենաների ցուցադրությունն էր անցկացվում։ Միջոցառմանը ներկա էր շուրջ 500 մարդ։

Աղբյուրը՝ tert.am

● Այս խորագրի վերջին նյութերը

Թուրքիայում պատրաստվում են ընդունել «օտարերկրյա գործակալների» մասին օրինագիծ

02.11.2024 ● 11:43

Օրենքն ուղղված է լինելու «այլ երկրների կամ օտարերկրյա կազմակերպությունների համար աշխատողների դեմ, որոնք սպառնում են Թուրքիայի ազգային անվտանգությանը»։