Այսօր կառավարության շենքի առջև բողոքի գործողություն են իրականացրել բանակում մահացած զինվորների ծնողներն ու «Ֆեյսբուք»–ում վերջերս ստեղծված «Բանակն առանց մարդասպանների» նախաձեռնության անդամները։ Նրանք պահանջել են արդար հետաքննություն իրականացնել և վերջ տալ բանակում տեղի ունեցող սպանություններին, դադարեցնել բռնությունները և մեղավորներին պատասխանատվության ենթարկել։ Մահացած զինվորների ծնողներից մեկը, օրինակ, պատմել է, որ իր որդուն սպանել են արձակուրդից հետո գումարտակի հրամանատարի կողմից պահանջված հարյուր դոլարը չտանելու պատճառով:

ՀՀ պաշտպանության նախարար Սեյրան Օհանյանն այս օգոստոսի 30–ին նշել է, որ ՀՀ ԶՈՒ ողջ պատմության ընթացքում ամենաքիչ դժբախտ պատահարներն արձանագրվել են 2007-ին: 2007-ի համեմատ 2010-ին քանակը զգալիորեն աճել է, սակայն 2011-ի առաջին կիսամյակում, 2010-ի համեմատ, միջադեպերի թիվը նվազել է:

7or.am