«Ֆեյսբուք» սոցիալական ցանցում օգտատերերը էջ են բացել, որով պահանջում են գտնել և պատժել օգոստոսի 26-ին բանակում՝ «Եղնիկներ» զորամասում, 18-ամյա Աղասի Աբրահամյանի սպանության մեղավորներին, քրեական գործի հարուցման հետևողական աշխատանք տանել, բոլոր մանրամասները բացահայտել և գործին վերաբերյալ հասարակությանը տեղեկացնել:

«Շարունակաբար տեղեկանալով այսպիսի ցավալի դեպքերի մասին՝ հայ երիտասարդը երկմտանքով է վերաբերվում ազգային բանակում ծառայելու փաստին: Շատերի մոտ այդ տարակուսանքը վերածվում է վախի, մինչդեռ վախը զինվորի ամենաառաջին թշնամին է»,–ասված է տարածած հայտարարություն մեջ։

Աղասի Աբրահամյանի հարազատների պնդմամբ՝ նրան ոչ թե անզգուշությամբ են մահ պատճառել, այլ սպանել են ծեծելով: Աղասի Աբրահամյանը Ռուսաստանից Հայաստան էր եկել բանակում ծառայելու համար: Նա զորակոչվել էր 8 ամիս առաջ։

7or.am