Օգոստոսի 24-ին, ժամը 05.00-ին, Վալերի Ս.-ի վարած «Մերսեդես-Բենց» մակնիշի ավտոմեքենան Մյասնիկյան պողոտայում բախվել է 26-ամյա Ներսես Մ.-ի վարած «ՎԱԶ-2107» մակնիշի ավտոմեքենային:  «ՎԱԶ-2107»-ի վարորդը և «Մերսեդես-Բենց»-ի ուղևորը` 21-ամյա Նարեկ Մ.-ն, մարմնական վնասվածքներով տեղափոխվել են   հիվանդանոց:

Կատարվում է քննություն:

***

Օգոստոսի 24-ին, ժամը 21.40-ին, Ծովակալ Իսակովի պողոտայի և Էջմիածնի հին խճուղու խաչմերուկում իրար են բախվել 27-ամյա Գուրգեն Գ.-ի վարած «ՎԱԶ 2110»,  30-ամյա Նելլի Մ.-ի վարած «Ռենո Կլիո-Սիմբլ» և 40-ամյա Արմեն Դ.-ի վարած «ԲՄՎ X-5» մակնիշի ավտոմեքենաները: «ՎԱԶ 2110»-ի ուղևորուհին` 26-ամյա Մարինե Պ.-ն, մարմնական վնասվածքներով տեղափոխվել է հիվանդանոց:

Կատարվում է քննություն:

***

Օգոստոսի 24-ին, ժամը 10.00-ին, Գյուրջյան փողոցի թիվ 8 շենքի մոտ իրար են բախվել 25-ամյա Տիգրան Հ.-ի վարած «ՎԱԶ-2107» և 28-ամյա Ավետիս Ա.-ի վարած «ՎԱԶ-2107» մակնիշի ավտոմեքենաները: «ՎԱԶ-2107»-ի ուղևորուհին` 26-ամյա Սյուզաննա Թ.-ն, մարմնական վնասվածքներով տեղափոխվել է հիվանդանոց:

Կատարվում է քննություն:

***

Օգոստոսի 24-ին, ժամը 17.00-ին, 26-ամյա Ջանիկ Բ.-ն, վարելով «Ֆորդ տրանզիտ» մակնիշի ավտոմեքենան, Վիլնյուսի փողոցում վրաերթի է ենթարկել 81-ամյա Էմմա Թումանյանին, որը մարմնական վնասվածքներով տեղափոխվել է հիվանդանոց:

Նույն օրը, ժամը 20.00-ին, Է. Թումանյանը, գիտակցության չգալով, հիվանդանոցում մահացել է:

Կատարվում է քննություն: