Քիչ առաջ ավարտվել է ՀԱԿ-իշխանություն երրորդ հանդիպումը: Հիմնականում քննարկվել են աշխատակարգային հարցեր: Կողմերը որոշել են, որ շաբաթական հանդիպելու են երկու անգամ` երեքշաբթի և ուրբաթ օրերին` ժամը 12-ին: Կոալիցիայի պատվիրակության ղեկավար Դավիթ Հարությունյանը նշել է, որ երկխոսությունն այն հարթակն է, որտեղ վերջնագրերի լեզվով չեն խոսում, ամեն ինչ արվում է հանուն երկրի զարգացման:

Կոնգրեսը պահանջել է օրերս ընդդիմադիր երիտասարդ ակտիվիստների նկատմամբ ոստիկանների ապօրինի գործողությունները պատշաճ կերպով քննության առնել և առհասարակ բացառել ՀԱԿ-ի նկատմամբ կամայականություններն ու բռնությունները։

-Հաջորդ հանդիպման ժամանակ սկսելու ենք օրակարգային առաջին հարցի քննարկումից: Քննարկվող երկրորդ հարցը՝ ոստիկանության հետ միջադեպին և տրանսպորտին վերաբերող հարցերն են լինելու,- ասել է Դ. Հարությունյանը:

Հաջորդ հանդիպումը տեղի է ունենալու երեքշաբթի օրը` ժամը 12:00-ին, Կառավարության ընդունելությունների տանը:

7or.am