Հուլիսի 27-ին, ժամը 01.30-ին, ոստիկանության Սպիտակի բաժնում «Ինթերնեյշնլ Դիվելըփմենթ Ընդ Քոնթրաքշնե ՓԲԸ-ից հաղորդում է ստացվել, որ ս/թ հուլիսի 1-ից  26-ն ընկած ժամանակահատվածում նշված ընկերության կողմից պետական աջակցության միջոցներով, աղետի գոտում անհատական բնակելի տների կառուցման Սարամեջ և Ջրաշեն գյուղերի վարչական տարածքներում գտնվող շինհրապարակներից, նոր կառուցվող տների և դրանց մոտից գողացել են ծածկի մետաղյա 27 թիթեղ և շուրջ 780 կգ ամրան:

Հուլիսի 28-ին պարզվել է, որ նշված  թիթեղներից 10-ը ս/թ հուլիսի 19-ին, ժամը 21.00-ի սահմաններում, Ջրաշեն գյուղից «Ինթերնեյշնլ Դիվելըփմենթ ընդ Քոնսթրաքշնե ՓԲԸ կողմից կառուցվող տներից մեկի մոտից նույն ընկերության բանվոր 47-ամյա Մհեր Ա.-ից խաբեությամբ և վստահությունը չարաշահելով հափշտակել է նույն ընկերության ատաղձագործ, 46-ամյա Ահարոն Հ.-ն:

Հափշտակվածն առգրավված է:

Նշանակվել է դատաապրանքագիտական փորձաքննություն: Կատարվում է հետաքննություն: