Լրագրողների հետ հանդիպման ժամանակ ՀՀ տարածքային կառավարման նախարարության միգրացիոն ծառայության պետ Գագիկ Եգանյանը, պատասխանելով այն  հարցին, թե Հայաստանն ունի՞ ռեսուրս՝  կանխելու ՌԴ–ի կողմից իրականացվող «Համերկրացիներ» ծրագիրը, որն  արտագաղթի մեծ  ալիք է դարձել, ասել է, որ այդ հարցն արդեն բարձրացվել է ՀՀ կառավարության կողմից, և ինքն ավելացնելու բան չունի։

–Ես կկրկնեմ ՀՀ վարաչպետի այն խոսքը, որ Հայաստանի պարագայում մոտեցումն այլ  պետք է լինի։ Ես էլ եմ համամիտ. կարծում եմ, որ դա անցանկալի  միգրացիոն հոսք է,–ասել է նա։

Գագիկ Եգանյանը ներկայացրել է նաև այդ ծրագրին առնչվող վերջին տվյալները։ Ըստ  նրա՝ 2007–ից մինչև 2011–ի հուլիսի 15–ն ընկած ժամանակահատվածում այդ ծրագրին է դիմել 29 500 քաղաքացի, ընդ որում՝ 2003–ից մինչև 2010–ի հոկտեմբերը դիմել  է 13 677 քաղաքացի, իսկ վերջին 7–8 ամսվա ընթացքում՝ 15 824։

Ըստ նրա՝ դիմողներից միայն փոքր մասը՝ 3 308–ն է հարցաթերթ լրացրել, որոնցից 997–ը ստացել է վերաբնակչի կարգավիճակ, 780–ը՝ ընտանիքներով։ Ընդհանուր առմամբ 1 897 մարդ է մեկնել Ռուսաստանի Դաշնություն։

7or.am