Այսօր լրագրողների հետ հանդիպման ժամանակ ՀՀ նախկին վարչապետ, ՀԱԿ անդամ Հրանտ Բագրատյանն անդրադարձել է Հայաստանի այսօրվա տնտեսական վիճակին։

Հարցին՝ ի՞նչ վիճակում է այսօր ՀՀ տնտեսությունը, Բագրատյանը պատասխանել է.

–Վիճակ չկա ընդհանրապես։ Իշխանություններն ասում են, թե բյուջեի եկամուտը 7 տոկոսով ավելացել է։ Բայց չէ՞ որ կա նաև 10 տոկոս գնաճ, հետևաբար 3 տոկոսով ՀՀ բյուջեն կրճատվել է։

Բագրատյանը քննադատել է վարչապետ Տիգրան Սարգսյանի վարած քաղաքականությունը՝ ասելով, որ նա յուրահատուկ վարչապետ է. պատերազմ չկա, բայց բյուջեն կրճատվում է։

Հարցին՝ ի՞նչ է նա առաջարկում, Բագրատյանը պատասխանել է.

–Պետք է Տիգրան Սարգսյանին աշխատանքից հանել։ Ձեր կոշիկի ձախ թայը հանեք դնեք վարչապետ՝ավելի լավ կաշխատի այս պետությունը։

Բացի այդ, Բագրատյանն ընգծել է, որ երկրի զարգացումը պետք է համադրել տարածաշրջանի ու աշխարհի զարգացման տեմպերին։ Նա շեշտել է, որ Հայաստանն իր զարգացման տեմպերով զիջում է հարևաններին։

7or.am