ՌԴ-ն համաձայն է Անթալիայում հանդիպել, հարցն ուկրաինական կողմի դիրքորոշման մեջ է. Զախարովա

● Աշխարհ

08.03.2022 ● 16:02

ՌԴ-ն համաձայն է Անթալիայում հանդիպել, հարցն ուկրաինական կողմի դիրքորոշման մեջ է. Զախարովա

Ռուսաստանը համաձայնել է ՌԴ–ի, Ուկրաինայի և Թուրքիայի ԱԳ նախարարների հանդիպումն Անթալիայում անցկացնելու առաջարկին, և այստեղ հարցն ուկրաինական կողմի տրամադրվածության մեջ է։ Նման հայտարարություն է արել ՌԴ ԱԳՆ ներկայացուցիչ Մարիա Զախարովան @SolovievLive Youtube-ի ալիքում, հայտնում է ՌԻԱ Նովոստին։

Նրա խոսքով` թուրքական կողմն է նման առաջարկությամբ հանդես եկել, երբ Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ՌԴ նախագահ Վլադիմիր Պուտինի հետ։

«Դուք գիտեք մեր հայեցակարգը, ինչպես նաև բանակցություններին պատրաստ լինելը, և այստեղ հարցը միայն այն կողմն է (ուկրաինական), որքանով այդ կողմը սկզբունքորեն ադեկվատ կլինի` բառի բոլոր իմաստներով»,-ասել է նա:

Զախարովան շեշտել է, որ ամեն ինչ կախված կլինի այն բանից, թե որքանով ուկրաինական կողմը պատրաստ կլինի որևէ առարկայական խոսակցության, կամ էլ, առհասարակ, խոսակցության։

Զախարովան ասել է նաև, որ ԱԳ նախարար Սերգեյ Լավրովի և Ուկրաինայի ԱԳ նախարար Դմիտրի Կուլեբի հանդիպումը կայանալու է մարտի 10-ին` Անատոլիական դիվանագիտական համաժողովի ժամանակ։ Միաժամանակ, ՌԴ ԱԳ ներկայացուցիչը հույս է հայտնել, որ մինչ այդ պահը Կուլեբին ուժայինները չեն սպանի։

«Ինչպես տեսնում ենք` արդեն իսկ քաղաքապետներին են սպանում այն պատճառով, որ նրանք հումանիտար միջանցքներ են ստեղծում և այլն։ Ուզում եմ հույս տածել, որ ամեն դեպքում ամեն օր չեն սպանի նրանց, ովքեր պետք է բանակցություններին ներկայացնեն ուկրաինական կողմը»,–ասել է Զախարովան։

Աղբյուրը՝ armeniasputnik.am

● Այս խորագրի վերջին նյութերը

Հնդկաստանում ավտոբուսը 200մ-ից ընկել է ձորը. կա 36 զոհ

04.11.2024 ● 15:35

Դեպքի պատճառների վերաբերյալ հետաքննություն է սկսվել նաև։

Սա ծաղր է. Մոլդովայի իշխանությունները բարդ պայմաններ են ստեղծել ՌԴ-ում քվեարկելու համար (տեսանյութ)

04.11.2024 ● 09:24

Ռուսաստանում բացվել է ընդամենը մեկ ընտրատեղամաս, ինչի պատճառով հսկայական հերթեր են գոյացել։

Թրամփը զանգահարել է Արամ Ա-ին

03.11.2024 ● 11:38

Դոնալդ Թրամփը վերահաստատել իր աջակցությունն Արցախի հայերին և հավատարմությունը տարածաշրջանում խաղաղությանը։

Իրանում 4,8 մագնիտուդ ուժգնությամբ երկրաշարժ է գրանցվել․ կան տուժածներ

03.11.2024 ● 11:35

Ցնցումները զգացվել են նաև մայրաքաղաք Թեհրանում և արվարձաններում։

Թուրքիայում պատրաստվում են ընդունել «օտարերկրյա գործակալների» մասին օրինագիծ

02.11.2024 ● 11:43

Օրենքն ուղղված է լինելու «այլ երկրների կամ օտարերկրյա կազմակերպությունների համար աշխատողների դեմ, որոնք սպառնում են Թուրքիայի ազգային անվտանգությանը»։