Ուկրաինական զորքերի հրթիռակոծման հետևանքով վնասվել են Լուգանսկի նավթաբազայի երկու պահուստարանները:

ԼԺՀ արտակարգ իրավիճակների նախարար Եվգենի Կացավալովը լրագրողներին հայտնել է, որ նավթաբազայում բռնկված հրդեհը 11 ստորաբաժանումներ են մարում:

Հիշեցնենք` մարտի 6-ին Ֆրանսիայի նախագահ Էմանուել Մակրոնն ու Ռուսաստան նախագահ Վլադիմիր Պուտինը 1 ժամ 45 րոպե խոսել են հեռախոսով։Պուտինը ֆրանսիացի պաշտոնակցին մանրամասն տեղեկացրել է Զապորոժիեի ատոմակայանի շրջանում ուկրաինացի ազգայնականների կազմակերպած սադրանքի մասին և ընդգծել, որ ՌԴ ԶՈւ-ն և պահպանության ուկրաինական ստորաբաժանումը շարունակում են ապահովել ատոմակայանի գործունեությունը։

Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։

Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։

Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։

Ռուսաստանի և Ուկրաինայի բանակցությունների առաջին փուլը կայացավ փետրվարի 28-ին Բելառուսի Գոմելի մարզում, երկրորդ փուլը` մարտի 3-ին Բրեստի շրջանում: Բանակցություններից հետո Պետդումայի միջազգային կոմիտեի ղեկավար Լեոնիդ Սլուցկին, որն ընդգրկված է ռուսական պատվիրակության կազմում, հայտարարեց, որ Ռուսաստանի և Ուկրաինայի միջև ձեռք բերված պայմանավորվածություններն առաջիկայում կամրագրվեն բարձր մակարդակով։

Աղբյուրը՝ armeniasputnik.am