Վրաստանի ազգային բանկը պատրաստ է օգնություն ցուցաբերել ռուսական ՎՏԲ-ի տեղական բաժանմունքին

● Աշխարհ

25.02.2022 ● 14:13

Վրաստանի ազգային բանկը պատրաստ է օգնություն ցուցաբերել ռուսական ՎՏԲ-ի տեղական բաժանմունքին

Վրաստանի ազգային բանկը պատրաստ է օգնություն ցուցաբերել ՎՏԲ-ի տեղական բաժանմունքին՝ Արևմուտքի սահմանած պատժամիջոցների պատճառով իրացվելիության հետ կապված խնդիրներ առաջանալու դեպքում: Տեղեկությունը հայտնում է ՌԻԱ Նովոստին` մեջբերելով բանկի հայտարարությունը։

«Պոտենցիալ ռիսկերի չեզոքացման նպատակով Վրաստանի ազգային բանկը «ՎՏԲ Բանկ Վրաստան» ընկերության հետ ավելի վաղ բանկի դեմ պատժամիջոցներ սահմանելու դեպքում գործողությունների ծրագիր էր մշակել: Արդյունքում երկուսն էլ լիովին պատրաստ են այսօրվա իրավիճակին։ Բանկը վճարունակ է, և նրա շահառուների շահերը լիովին պաշտպանված են: Ազգային բանկը պատրաստ է ապահովել հավելյալ ֆինանսական ռեսուրսով»,-ասվում է հայտարարության մեջ:

ՎՏԲ-ի վրացական բաժանմունքն իր հերթին հայտարարություն է տարածել, որտեղ նշվում է, որ սպառողները կարող են առանց սահմանափակումների օգտվել բանկի ծառայությունից և պատժամիջոցները չեն անդրադառնա Վրաստանում ֆինանսական հաստատության գործունեությանը:

Նշենք, որ ռուսական ՎՏԲ-ն ԱՄՆ-ի և Մեծ Բրիտանիայի պատժամիջոցների տակ է հայտնվել Ուկրաինայի նկատմամբ Ռուսաստանի հատուկ ռազմական գործողության սկսվելուց հետո:

Պատժամիջոցներն իրենցից ենթադրում են ԱՄՆ-ում և Մեծ Բրիտանիայում բանկի ակտիվների սառեցում, դոլարային գործարքների և ամերիկյան գործընկերների հետ գործարքների արգելք:

Հիշեցնենք, որ Վրաստանի նախագահ Իրակլի Ղարիբաշվիլին այսօր հայտարարել էր, որ երկիրը չի միանա Ռուսաստանի դեմ պատժամիջոցներին:

Աղբյուրը՝ armeniasputnik.am

● Այս խորագրի վերջին նյութերը

Հնդկաստանում ավտոբուսը 200մ-ից ընկել է ձորը. կա 36 զոհ

04.11.2024 ● 15:35

Դեպքի պատճառների վերաբերյալ հետաքննություն է սկսվել նաև։

Սա ծաղր է. Մոլդովայի իշխանությունները բարդ պայմաններ են ստեղծել ՌԴ-ում քվեարկելու համար (տեսանյութ)

04.11.2024 ● 09:24

Ռուսաստանում բացվել է ընդամենը մեկ ընտրատեղամաս, ինչի պատճառով հսկայական հերթեր են գոյացել։

Թրամփը զանգահարել է Արամ Ա-ին

03.11.2024 ● 11:38

Դոնալդ Թրամփը վերահաստատել իր աջակցությունն Արցախի հայերին և հավատարմությունը տարածաշրջանում խաղաղությանը։

Իրանում 4,8 մագնիտուդ ուժգնությամբ երկրաշարժ է գրանցվել․ կան տուժածներ

03.11.2024 ● 11:35

Ցնցումները զգացվել են նաև մայրաքաղաք Թեհրանում և արվարձաններում։

Թուրքիայում պատրաստվում են ընդունել «օտարերկրյա գործակալների» մասին օրինագիծ

02.11.2024 ● 11:43

Օրենքն ուղղված է լինելու «այլ երկրների կամ օտարերկրյա կազմակերպությունների համար աշխատողների դեմ, որոնք սպառնում են Թուրքիայի ազգային անվտանգությանը»։