Սերբիայի իշխանությունները ձերբակալել են հետախուզման մեջ գտնվող նախկին Սերբական Կրաինա Հանրապետության նախագահ Գորան Հաջիչին։ Այս մասին տեղեկացնում է բելգրադական «В92» հեռուստաընկերությունը։ Ձերբակալության վայրի ու ամսաթվի մասին տեղեկություններ չեն հաղորդվում:

Տեղեկացնենք, որ նախկին Հարավսլավիայի հարցերով Հաագայի միջազգային տրիբունալը մեղադրում է Հաջիչին 1991-1995թթ. Խորվաթիայում զինված բախումների ժամանակ ռազմական հանցագործությունների համար:

Վերջին անգամ Հաջիչին տեսել էին 2004–ին սերբական Նովի Սադում: Այդ ժամանակ նախկին նախագահի ձերբակալության օպերացիան ձախողվել էր, Հաջիչին հաջողվել էր դիմել փախուստի։

Ավելացնենք, որ բալկանյան պատերազմներում «ռազմական հանցագործներին» միջազգային արդարադատությանը հանձնելու պահանջը Բրյուսելի կողմից դրված է Բելգրադի առջև որպես նախապայման ԵՄ–ին անդամակցելու համար։