Սպանվել է Ղազախստանի ազգային անվտանգության խորհրդի սահմանապահ ծառայության ակադեմիայի պետը

● Աշխարհ

07.01.2022 ● 11:09

Սպանվել է Ղազախստանի ազգային անվտանգության խորհրդի սահմանապահ ծառայության ակադեմիայի պետը

Ղազախստանի ազգային անվտանգության խորհրդի սահմանապահ ծառայության ակադեմիայի պետը սպանվել է ակադեմիայի շենքի վրա գրոհի ժամանակ։ Տեղեկությունը հայտնում է Sputnik Ղազախստանը ՝ վկայակոչելով տեղի լրատվամիջոցները:

Բողոքի ակցիայի մասնակիցները փորձել են գրավել շենքը, ուսումնական հաստատության կուրսանտները նրանց հետ մարտ են վարել։ Մարտերը ղեկավարել է հենց ակադեմիայի պետը։

Ի դեպ, սոցցանցերում հայտնվել է դեպքերի մասին պատմող մի տեսանյութ, որտեղ երևում է` կուրսանտների մոտ զենքեր չկան։

Ղազախստանի ՆԳՆ հրապարակած տվյալներով` ներկա պահին անկարգությունների 26 մասնակից սպանվել է, շուրջ 3000–ը` ձերբակալվել բռնություններին մասնակցելու համար։

Հիշեցնենք` Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին։

Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։ Ոստիկանները կիրառել էին գազ և խլացուցիչ նռնակներ։

Ամբողջ Ղազախստանում անջատվել է համացանցային կապը, ժամանակավորապես դադարեցվել է մի շարք հեռուստաալիքների հեռարձակումը։

Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։ Նա օգնության համար դիմել է Հավաքական անվտանգության պայմանագրի կազմակերպությանը։

ՀԱՊԿ-ը իրավիճակը կայունացնելու համար խաղաղապահ զորախումբ է ուղարկել Ղազախստան, այդ թվում 70 զինծառայող կա Հայաստանից։

Աղբյուրը՝ armeniasputnik.am

● Այս խորագրի վերջին նյութերը

Պայթյուն է տեղի ունեցել Թուրքիայի նավթավերամշակման գործարանում (տեսանյութ)

05.11.2024 ● 16:02

Ականատեսները հայտնում են, որ պայթյունի ձայնը լսվել է նաև հարևան շրջաններում:

Հնդկաստանում ավտոբուսը 200մ-ից ընկել է ձորը. կա 36 զոհ

04.11.2024 ● 15:35

Դեպքի պատճառների վերաբերյալ հետաքննություն է սկսվել նաև։

Սա ծաղր է. Մոլդովայի իշխանությունները բարդ պայմաններ են ստեղծել ՌԴ-ում քվեարկելու համար (տեսանյութ)

04.11.2024 ● 09:24

Ռուսաստանում բացվել է ընդամենը մեկ ընտրատեղամաս, ինչի պատճառով հսկայական հերթեր են գոյացել։

Թրամփը զանգահարել է Արամ Ա-ին

03.11.2024 ● 11:38

Դոնալդ Թրամփը վերահաստատել իր աջակցությունն Արցախի հայերին և հավատարմությունը տարածաշրջանում խաղաղությանը։

Իրանում 4,8 մագնիտուդ ուժգնությամբ երկրաշարժ է գրանցվել․ կան տուժածներ

03.11.2024 ● 11:35

Ցնցումները զգացվել են նաև մայրաքաղաք Թեհրանում և արվարձաններում։

Թուրքիայում պատրաստվում են ընդունել «օտարերկրյա գործակալների» մասին օրինագիծ

02.11.2024 ● 11:43

Օրենքն ուղղված է լինելու «այլ երկրների կամ օտարերկրյա կազմակերպությունների համար աշխատողների դեմ, որոնք սպառնում են Թուրքիայի ազգային անվտանգությանը»։