Ակնհայտ է, որ Ղազախստանի բողոքի ցույցերի հիմքում ընկած են նաև սոցիալ-տնտեսական խնդիրները։ Մի քանի թիվ այդ մասին՝

1․ 2021 թվականի հունվար-նոյեմբեր ամիսներին նախորդ տարվա համեմատ Ղազախստանի ՀՆԱ-ն (GDP) աճել է 3,8 տոկոսով (Հայաստանի ՏԱՑ-ը՝ 5,2 տոկոս),

2․ 2021 թվականի նոյեմբերի դրությամբ Ղազախստանում տարեկան գնաճը կազմել է 8,7 տոկոս(Հայաստանում՝ 7,1 տոկոս), իսկ միայն սննդամթերքը թանկացել է 10,9 տոկոսով (Հայաստանում՝ 11.3 տոկոսով),

3․ 2021 թվականի հունվար-նոյեմբեր ամիսներին Ղազախստանում շինարարության ոլորտն աճել է 6,2 տոկոսով (Հայաստանում՝ 6,9 տոկոսով),

4. 2021 թվականի 3-րդ եռամսյակում Ղազախստանում գործազրկության մակարդակը կազմել է 4,9 տոկոս (Հայաստանում՝ 15 տոկոս(2-րդ եռամսյակ)),

5․ 2020 թվականին Ղազախստանում բնակչության աղքատությունը կազմել է 5,3 տոկոս (Հայաստանում՝ 27 տոկոս),

6. 2020 թվականին պայմանավորված կորոնահամավարկի ճգնաժամով Ղազախստանի տնտեսության անկումը կազմել էր 2,5 տոկոս (Հայաստանինը՝ 7,4 տոկոս)։