Հուլիսի 15-ին մամլո ասուլիսի ժամանակ Հայաստանի մարքսիստական կուսակցության նախագահ Դավիթ Հակոբյանը պատասխանել է լրագրողների հարցերին։

Նա հայտարարել է, որ  շատ ուրախ է և հպարտ, որ Լևոն Տեր–Պետրոսյանի հետ ժամանակին դուրս է եկել հրապարակախոսական ամբիոն։  Անդրադառնալով իշխանություն–ՀԱԿ երկխոսությանը՝ Դավիթ Հակոբյանն ասել է.

–ՀԱԿ–ը ևս մեր երեխաներն են։ Նրանց իշխանություններն արհամարհանքի արժանացրին, իսկ հիմա՝ Կազանից հետո, 180 աստիճանով փոխել են իրենց դիրքորոշումը և, այնուամենայնիվ, համաձայնեցին երկխոսել։ Կարծում եմ՝ երկու կողմերն էլ  ժամանակ շահելու նպատակ ունեն։

Հարցին՝ այնուամենայնիվ, ինչո՞ւ իշխանությունները գնացին երկխոսության ՀԱԿ–ի հետ, և արդյոք սա ոչ մի կերպ կապված չէ՞ ղարաբաղյան հարցում զիջումներ անելու հետ, Դավիթ Հակոբյանը պատասխանել է.

–Նրանք ուղղակի ժամանակ են շահում։

–Ինչի՞ համար են ժամանակ շահում։

–Հասարակության քաղաքական իմպուլսիվությունը մեղմելու համար։

7or.am