Գերմանա-եգիպտական ​​արշավախումբը Սոհագում գտնվող Ալ-Շեյխ Համադ հնագիտական ​​վայրում 13 հազար կավե բեկորների վրա կենցաղային գրառումներով պահոց է հայտնաբերել։ Կավե անոթների վրա փորագրված են եղել դեմոտիկ, հիերատիկ, ղպտիական, հունարեն և արաբերեն տեքստեր։ Այս տեղեկությունը տարածել է Եգիպտոսի հնությունների նախարարությունը։

«Սա շատ կարևոր հայտնագործություն է, քանի որ այն լույս է սփռում պատմության ընթացքում Աթրբիսի տնտեսության և առևտրի վրա: Տեքստը պարունակում է տվյալ տարածքի բնակիչների ֆինանսական օպերացիաների մասին տվյալներ, որոնք գնել և վաճառել են ցորեն և հաց»,-ասել է Հնությունների նախարարության բարձրագույն խորհրդի գլխավոր քարտուղար Մոստաֆա Վազիրին:

Գերմանական արշավախմբի ղեկավար Քրիստիան Լատիսը հստակեցրել է, որ այժմ հնագետներն ուսումնասիրում են գտածոները, որպեսզի ավելին իմանան հնում այս շրջանի բնակիչների գործունեության մասին։

Աթրիբիսը Հին Եգիպտոսի հնագույն քաղաքներից մեկն էր։ Այն գտնվում է Նեղոսի արևմտյան ափին՝ Սոհագ քաղաքից դեպի հարավ-արևմուտք։

Աղբյուրը՝ news.am