Ինչպես հաղորդում է «ИА Focus» գործակալությունը, բուլղարական Դեբելց քաղաքի  բնակիչներին տարհանում են թունավոր ստիրոլ նյութի թափվելու պատճառով։

Գործակալության տվյալներով՝ 2 200 –2 300 մարդ արդեն տարհանվել է, մյուսներին ևս խորհուրդ է տրվում լքել քաղաքը։

Թուրքական համարներով, 20 տ թունաքիմիկատ տեղափոխող մեքենայի՝ վառելիքով լի տարան ջարդվել է Սոֆիայից 230 կմ հեռավորության վրա։

Վթարի  տարածքում թունավոր ամպ է առաջացել։ Մասնագետներն իրավիճակն արդեն հսկողության տակ են վերցրել։ Զոհեր դեռ չկան։

Դեբելցի  քաղաքապետ Դիմիտար Դիմիտրովը բացատրել է, որ բնակիչները չեն կարող անմիջապես վերադառնալ քաղաք։ Անհրաժեշտ է սպասել, մինչև թունավոր նյութերի՝ մարդու  թոքեր ներթափանցելու վտանգն անցնի։ Քաղաքի  բնակչությունը կազմում է շուրջ 4 500 մարդ։

Ստիրոլի որոշ քանակություն թափվել է Բելիցա գետը։

Ստիրոլն օգտագործվում է պոլիմերների արտադրության մեջ։