ՀՀ գլխավոր դատախազության պետական շահերի պաշտպանության վարչությունում  հարուցվել է քրեական գործ՝ «Լոտոս-ՎԻՊ»  զարգացման հիմնադրամի տնօրենի կողմից՝ մաքսանենգություն կատարելու և խոշոր չափերի հարկեր վճարելուց չարամտորեն խուսափելու դեպքի առթիվ:

Մասնավորապես՝ պարզվել է, որ 2006թ. հուլիսի 27-ին «Լոտոս-ՎԻՊ»  զարգացման հիմնադրամի տնօրենը խաբեությամբ, մաքսային և այլ փաստաթղթեր օգտագործելու միջոցով, մաքսային մարմնին ներկայացրած С-17590  բեռնամաքսային հայտարարագրում հումանիտար բեռ չհամարվող բեռները հայտարարագրել է որպես հումանիտար բեռներ՝  մաքսանենգ ճանապարհով Հայաստան  ներմուծելով խոշոր չափերի՝ 16 439,1 հազար դրամի  ապրանք: Ապա՝  ներմուծված ապրանքների վերաբերյալ  օրենսդրությամբ նախատեսված հաշվետվություններ, հաշվարկներ և հարկման հիմք հանդիսացող պարտադիր այլ փաստաթղթեր չներկայացնելով հարկային տեսչություն՝  չարամտորեն խուսափել է  պետբյուջե 9.291.8   հազար դրամի հարկ վճարելուց:

Փաստի առթիվ  հարուցվել է քրեական գործ՝ ՀՀ քրեական օրենսգրքի  205-րդ հոդվածի 1-ին  մասի և 215-րդ հոդվածի 1-ին  մասի  հատկանիշներով և  ուղարկվել  ՀՀ կառավարությանն առընթեր ԱԱԾ քննչական վարչություն՝ նախաքննություն կատարելու:

ՀՀ գլխավոր դատախազության մամուլի ծառայություն