Երեկվանից համացանցում վարչապետի աթոռը զբաղեցրած ոմն նիկոլ փաշինյանի (անունդ էլ չեմ ուզում տալ) հրաժարականի պահանջով զոհված հերոսների մայրերը կոչեր են հնչեցնում:

Ես նրա հրաժարականը չեմ պահանջելու. եթե նիկոլ փաշինյանը մի փոքր պատվախնդրություն ունենար, ապա առնվազն ինքնասպան կլիներ, որպեսզի առաջին հերթին փրկեր նախ իրեն, հետո երկիրն ու ժողովրդին:

Եթե...

Ինձ փորձեք բացատրել և համոզել, որ հայրենիքը պաշտպանելն ու հայրենիքի համար զոհաբերելը միայն զոհված հերոսների ընտանիքներին է տրված: Մենք էլ ոչինչ չունենք տալու, բացի մեր կարոտի ցավից...էլ ոչինչ չունենք տալու...

Ինչի՞ եք պատրաստ դուք հանուն հայրենիքի և ձեր իսկ փրկության, ձեր ֆեյսբուքյան էջերը սրտացավ ստատուսներով ողողելո՞ւն, թե՞ հետևելու մեր ցավից ու կարոտից մարող սրտերին:

Մեկ տարի առաջ այս օրերին Արցախը հանձնեցին թշնամուն, Արցախի հետ՝ մեր եղբայրների երազանքներն էլ, որպեսզի ձեր երեխաները շարունակեն երազել և ապրել, բայց ապրել հայրենատիրոջ և արժանապատիվ հայի իրավունքով:

Հանձնեցին, ծախեցին, բայց չփրկվեցիք...

Այսօր մենք կանգնած ենք հայոց պետականության կործանման, մեր ազգային ինքնության վերացման և ինքնաոչնչացման վտանգի ճանապարհին:

Սերունդները մեզ չեն ներելու....

Երբեք երկիրս այսպես ավեր ու որբացած չի եղել, բանակը՝ բարոյազրկված, զինվորը՝ արժեզրկված, ժողովուրդը՝ այսքան ապիկար ու նվաստացած, խաբված ու խեղճացած:

Մենք շեղվեցինք Ավոյի հերոսական ուղուց, ուրացանք մեր պապերի ու հայրերի անուները, այս պատերազմում հերոսացած հազարավոր քաջերի հիշատակը վառ պահելը բավարարեցինք նրանց շիրիմներին ծաղիկներ խոնարհելով և կենացներ խմելով:

,,Մենք շարունակելու ենք ձեր վեհ գործը, որպեսզի մի օր արժանի լինենք ձեզ,, խոսքերը դարձան իմաստազրկված, դատարկ ու մտացածին...

Դուք ոչինչ չարեցիք ունեցածը պահելու և կորցրածը հետ բերելու համար:

Մենք Տղերքին արժանապատիվ հայրենիք ենք պարտք..

Երկիրը և ձեզ փրկել է պետք...

Ինքնամաքրվելու համար ուշ է, վերադաստիարակվելու համար ուշ է, ինքնակազմակերպվել է պետք. մտածող մարդիկ են պետք, գաղափարի մարտիկներ:

Իշխանությունը պատկանում է ժողովրդին, ես, դու, նա ենք երկրի և մեր ճակատագրի տերը: Բավ է՝ որքան մատաղացու տվեցինք լավագույններին...Լավագույնները պետք է ապրեն, որպեսզի լավագույնները ծնվեն և ապրեցնեն:

Ոտքի, իմ հայ ժողովուրդ, քո միակ փրկությունը քո հավաքական ուժի մեջ է:

Տղերքը մեզ չեն ներելու, ես ինձ չեմ ներելու, մենք մեզ չենք ներելու...

Հասմիկ Հակոբյանի ֆեյսբուքյան էջից