«Սոցիոմետր» սոցիալական կենտրոնի տնօրեն Ահարոն Ադիբեկյանը, նշելով այն հանգամանքը, որ ՀԱԿ առաջնորդ Լևոն Տեր–Պետրոսյանն արտահերթ նախագահական ընտրությունների դեպքում կլինի երկրորդը՝ ԲՀԿ նախագահ Գագիկ Ծառուկյանից հետո, ասել է, թե ՀԱԿ–ը պետք է կռահի նման զարգացումները, և այդ դեպքում չի ցանկանա, որ լինեն վաղաժամկետ ընտրություններ. «Ամեն ձևով կքաշքշի՝ դրանով ցույց տալով, թե իշխանական թևը չի լսում ժողովրդի ձայնին՝ ա՛յ, ինչ վատ իշխանություն է, և այլն, և այլն»։

–Ընտրությունների հերթական լինելու դեպքում ՀԱԿ–ը կարող է ավելի շատ ձայներ ակնկալել, քան արտահերթի դեպքում,–նկատել է բանախոսը՝ հավելելով, որ ՀԱԿ–ի արտահերթ ընտրությունների պահանջը ընդամենը քաղաքական խաղեր են։

Սոցիոլոգի խոսքերով` ՀԱԿ–ը՝ որպես ուժ, ավելի բարձր վարկանիշ ունի, քան Լևոն Տեր–Պետրոսյանը, ինչի պատճառը, ըստ նրա, կադրային քաղաքականության և նոր առաջնորդների ձևավորման բացակայությունն է:

7or.am