«Սոցիոմետր» սոցիալական կենտրոնի տնօրեն Ահարոն Ադիբեկյանն այսօր «Հենարան» ակումբում խոսել է քաղաքական զարգացումների հավանականության մասին այն պարագայում, եթե Հայաստանում արտահերթ խորհրդարանական և նախագահական ընտրություններ տեղի ունենան, և երկրի նախագահն ու վարչապետը դրանց չմասնակցեն։

Այս հարցին պատասխանել է հարցվածների միայն 32%–ը։

Ըստ հարցման արդյունքների՝ Լևոն Տեր–Պետրոսյանը նախագահի պաշտոնում ընդամենը երկրորդ տեղում է, իսկ վարչապետի պաշտոնում՝ վեցերորդը։ ԲՀԿ առաջնորդ Գագիկ Ծառուկյանն առաջին տեղում է թե՛ նախագահի, և թե՛ վարչապետի պաշտոններում։

Սոցիոլոգը զարմանալի չի համարել, որ Գ. Ծառուկյանը Լ. Տեր–Պետրոսյանից առաջ է անցել ինչպես նախագահի, այնպես էլ վարչապետի պաշտոնների հավակնորդների շարքում։

Նրա խոսքերով՝ այսօր առաջնահերթ են սոցիալական խնդիրները, ու գրավիչ կլինի այն անձը կամ կուսակցությունը, որը սոցիալ–տնտեսական հարցերի լուծման ծրագիր կներկայացնի։

7or.am