Ռուսաստանի ֆինանսների նախարարությունը հրապարակել է երկրի համար հերթական մտահոգիչ կանխատեսումը. ՌԴ պահուստային ֆոնդի միջոցները, որով ծածկվում են Ռուսաստանի բյուջեի «անցքերը», կարող են սպառվել արդեն 2010թ.-ին, իսկ բյուջեն դեֆիցիտային է լինելու մինչև 2013թ.-ը։ Եթե ՌԴ պահուստային ֆոնդի վերաբերյալ այս վատատեսական կանխատեսումները իրականան, ապա բյուջեի դեֆիցիտը ֆինանսների նախարարությունը հույս ունի փոխհատուցել փոխառությունների միջոցով։ Չի բացառվում, որ Ռուսաստանը դիմի արտաքին փոխառություններին՝  2010թ.-ին երկրի իշխանությունները հույս ունեն  դրսից բերել շուրջ $ 5 մլրդ.։