Ազգագրագետ Հրանուշ Խառատյանը մամլո ասուլիսի ժամանակ անդրադառնալով Հայաստանում առկա արտագաղթի ահռելի  չափերին՝ ասել է, որ այն կասեցնելու համար պետք է կոնկրետ քայլեր ձեռնարկել:

–Արտագաղթի կասեցումը միայն հայրենասիրության վրա  խարսխելն ուղղակի անմտություն է, հատկապես այսօրվա պայմաններում, երբ մարդն իր հայրենիքում սոված է, չի կարողանում ռեալիզացվել,–ասել  է նա։

Ըստ Հրանուշ Խառատյանի՝ հիմա հաճախ ես մարդկանցից լսում՝ սա իմ հայրենիքը չէ:

–Մենք  անընդհատ  խոսում ենք հայկական գենոֆոնդի  պահպանման մասին, սակայն անկախ Հայաստանի տարիների ընթացքում մեր մշակութային ժառանգությունը փոշիացել է,–ասել է նա։

Հրանուշ Խառատյանի խոսքերով՝ հասարակության մի մասը սեփական հայրենիքում իրեն օտարված է զգում, իսկ դա մղում է նրան  կեցության այլ  վայր փնտրելուն։

–Երբ խոսվում է արտագաղթի կանխման համալիր ծրագրի  մաիսն, խոսքը սահմանները փակելու մասին չէ, այլ խնդիրներից համապատասխան հետևություններ անելու և, ըստ  այդմ, գործողություններ ծրագրելու։

7or.am