«Ռեգնում» տեղեկատվական գործակալությանը տված հարցազրույցում, պատասխանելով այն հաքրցին, թե կա՞ արդյոք աշխարհում հատուկ ղարաբաղյան հիմնահարցի լուծման համար մոդել՝ ԼՂՀ խորհրդարանի խոսնակ Աշոտ Ղուլյանն ասել է. «Գործնականում մեջ ես չեմ տեսնում այդպիսի «համապատասխան» կարգավորման մոդել: Հայեցակարգային տեսանկյունից դա միջազգային իրավունքի գերակայությունն է այս կամ այն պետության հավակնությունների նկատմամբ, որը անտեսում է ինքնորոշման իրավունքը: Իսկ ավելի որոշակի՝ ղարաբաղյան հիմնահարցի կարգավորման համար անհրաժեշտ է ի նկատի ունենալ այն իրողությունը, որը ձևավորվել է Ադրբեջանի հետ պատերազմից հետո: Դա այն է, որ Լեռնային Ղարաբաղի Հանրապետությունը կայացել է որպես անկախ և ինքնիշխան պետություն: Հակամարտության կարգավորումն էլ կարող է տեղի ունենալ միայն այն դեպքում, երբ ԼՂՀ-ը ճանաչվի որպես բանակցությունների լիիրավ կողմ»: