«Սոցիոմետր» ՀԿ–ի նախագահ, սոցիոլոգ Ահարոն Ադիբեկյանը լրագրողների  հետ հանդիպման ժամանակ նշել է, թե այս տարվա մայիս–հունիս ամիսներին 1650 հոգու միջև անցկացված հարցումները  ցույց են տվել, որ Հայաստանում առկա ճգնաժամի պատճառով հարցվածների 16,1%–ը կորցրել է աշխատանքը, 14,5%–ի ընտանքի անդամները ստիպված արտագաղթել  են, 10%–ը հրաժարվել  է բուժումից, 2,7%–ը կորցրել է բիզնեսը, 0,6%–ը վաճառել է բիզնեսը, իսկ 25,4%–ը ստիպված  պարտքեր է կուտակել։

Հարցվածների 70,6%–ը նշել է, թե իրենց վիճակը  ավելի  է վատացել, այնինչ 2008թ. այդ պատասխանը  տվել էր հարցվածների ընդամենը 39%–ը։

Ըստ  Ահարոն Ադիբեկյանի՝ հարցվածները առաջին հերթին  կարևորում են սոցիալ–տնտեսական հարցերը, իսկ քաղաքական հարցերը՝ այդ թվում Ցեղասպանության ճանաչման և ղարաբաղյան հիմանխնդիրը, ամենավերջին տեղում են։

Սոցիալ–տնտեսական հարցերի կարևորության մասին նշել է հարցվածների   47,4%–ը, ընդ որում նրանցից 45,6%–ը համարում է, որ  առաջին հերթին պետք է արմատախիլ անել կաշառակերությունը, 21,8%–ը՝ սանձահերել մենաշնորհները, իսկ 20,3%–ը՝ ավելի  արդար  բաշխել  ազգային եկամուտը։

Պետաիրավական հարցերը երկրորդ տեղում են՝ 30%, որից 16,2%–ը կարծում է, թե պետք է գործող իշխանության աշխատանքի որակը բարձրացնել, 14,3%–ը՝ թե պետք է վաղաժամկետ  փոխել  իշխանությունը, 13,7%–ը՝ թե պետք է ժողովրդավարության արմատավորման քայլերի դիմել...

Երրորդ տեղում են սոցիալական հիմնահարցերը՝ 16%, որից 24,2%–ը կարծում է, որ պետք է մեծացնել սոցիալական օգնությունը անպահով խավերին, 2,1%–ը կարծում է, որ  պետք է բարձրացնել թոշակներն ու աշխատավարձերը, իսկ 2%–ը՝ որ անհրաժեշտ է պայքարելթանկացումների դեմ։

Չորորդ տեղում տեղական հարցերն են՝ 6,1%։

7or.am