Թուրքից ապագա մուրացողները կամ մի «անձնուրաց»․․․

● Կարծիք

25.09.2021 ● 14:47

Թուրքից ապագա մուրացողները կամ մի «անձնուրաց»․․․

Շուշին ու Հադրութը կորցրած, մեր ցավի ու չամոքվող տառապանքի խորհրդանիշ քաղաքական ուժի ներկայացուցիչ Սիսակ Գաբրիելյանը երեկ մտքի թռիչք է ունեցել։ Սպառնացել է «վատ աշխատելու համար» ընդդիմությանն առհասարակ զրկել պարգևավճարներից։ Ծափ-ծափ․․․

Նախ, Սիսակին ասեմ, որ հնարավոր չէ զրկել մի բանից, ինչը գոյություն չունի։ Մենք սահմանադրական դատարանում վիճարկում ենք իշխանության աշխատավարձապարգևավճարային ողջ փիլիսոփայությունը և արդեն հրաժարվել ենք պարգևավճարից։ Սրա գրական համարժեքը՝ խնջույքն է ժանտախտի պահին։

Բայց ամեն անգամ ինձ զարմացնում է սրանց անսպառ անբարտավանությունն ու զինիզմը։ ՈՒՇԱԴԻՐ՝ մեր ինքնիշխանությունը տապալած, անկախությունը հարցականի տակ դրած, անցյալը թաղած, ապագան օտարներից մուրացող քաղաքական ուժն ինքն իրեն պարգրատրում է ԱՆԿԱԽՈՒԹՅԱՆ 30 ԱՄՅԱԿԻ ԱՌԹԻՎ։

Ես, իհարկե, հասկանում եմ, որ ՔՊ թիմում շեֆին դուր գալու՝ հայհոյանքի, սպառնալիքի լեզվով խոսելու, պատերին ծեփելու ու լռեցնելու անզուսպ մրցավազք է հայտարարված, բայց մի քիչ էլ վաղվա մասին մտածեք, չէ որ դուք ներշնչում եք, թե ապագա կա․․․ ու մի օր գալու է պատասխան տալու կամ քարեր հավաքելու ժամանակը։

«Ժողովրդավար, լրագրող և իրավաբան» Սիսակին և հանրությանը հիշեցնեմ, որ բոյկոտելը, չմասնակցելը, մերժելը քաղաքական պայքարի զինանոցից է, և մենք չենք պատրաստվում ՔՊ քիմքով շարժվել։

Չփորձեք և չփորձեք շանտաժի ու բոլշևիզմի լեզվով խոսել «Հայսատան» դաշինքի հետ։ Մենք հիմնավորել ենք և մերժել մաս կազմել Համայնքների խոշորացման հանցավոր, հակաօրինական ընթացքին։ Ի դեպ, սա էլ ենք վիճարկելու ՍԴ-ում։

Հ․Գ․ Իսկ ընթերցողին հիշեցնեմ, որ Սիսակ Գաբրիելյանը ՔՊ հայհոյողների և հետևից խփողների ջոկատից է։

Հ․Գ․ Մարդկանց քննարկելն իմ ժանրում չէ, բայց այդպես «համառորեն և անձնուրաց» մի հիշեցրեք ձեզ։

Լիլիթ Գալստյանի ֆեյսբուքյան էջից

● Այս խորագրի վերջին նյութերը

Իրական որոշում կայացնողները կլինեն ստվերում՝ ոչ հայկական անձնագրերով

18.11.2024 ● 19:52

Մտնում ենք արտաքին կառավարման տակ։ Ըստ էության, ռեյդերական գրոհի հետեւանքով երկիրը բռնազավթվել է։

Օգտագործված-դուրս շպրտվածները․ «Կարճ ասած» (տեսանյութ)

18.11.2024 ● 19:18

Փաշինյանը սպասում է, որ ժողովուրդը մի օր իրեն հանելու է, առավելագույնը՝ մեկուկես տարուց։

Թիվ 1 մեղավորն ու պատասխանատուն դո՛ւ ես և վերջ

18.11.2024 ● 13:38

Սպասվող արտահերթ խորհրդարանական ընտրությունների ՔՊ-ի կարգախոսը՝ Ես` խեղճ հարիֆս, մեղավոր չէի, սաղ թիմս էր մեղավոր։

Այն, ինչ կատարվում է հիմա Հայաստանի հետ, ուղղակի Արցախի հանձնման ածյանցյալներն են

18.11.2024 ● 10:02

Արցախի հանձնումը համակարգի քրաշ-թեստն էր, որը ցույց տվեց, որ հայ հասարակությունը ու պետականությունը իրար հետ որևէ կապ չունեն:

Երևանցին ստորագրում ու դառնում է տրանսպորտի գինը մինչև 100 դրամ պահելու նախագծի համահեղինակ

18.11.2024 ● 08:52

Երևանցին դժգոհում է ու բողոքում քաղաքային տրանսպորտի ուղեվարձի թանկացումից, ավտոբուսների չվացուցակից, տրանսպորտում ուղևորների գերբեռնվածությունից, վճարային համակարգի խափանումներից, կանգառասրահների բացակայությունից և եղածների չկահավորված լինելուց։