Արդեն երկրորդ տարին է, ինչ ողջ աշխարհում մոլեգնում է Քովիդ համաճարակը։ Ինչպես միջնադարում ողջ աշխարհում մոլեգնում և մահ էին սփռում Ժանտախտը, խոլերան, ծաղիկը, որոնց համար գտնվեցին պատվաստանյութեր և այդ հիվանդությունները նահանջեցին և, փաստորեն, վերացան, այնպես էլ շուտով քովիդը նույնպես կնահանջի։ Հայաստանում օրենքով պարտադրվում է քովիդի դեմ պատվաստումը, բացի․․․ պաշտոնյաներից։

Սակայն այդ մասին չէ, որ կուզենայի խոսել։ Ինչպես նշեցի, քովիդը, ի վերջո, կնահանջի, բայց արդյոք նրա վերացումը կառողջացնի՞ մեր ժողովրդին, կասկածում եմ։

Վերջին տարիներին շատերն այս իշխանության կողմնակիցներին անվանեցին «Ժեխ»։ Ինքս ձեռնպահ եմ մնացել այս վիրավորական բնորոշումից։ Սակայն, հատկապես վերջին օրերին, երբ իշխանության ներկայացուցիչները բացահայտորեն ոտնահարում եմ մեր արժանապատվությունը՝ հայոց պատմական տարածքները համարելով ադրբեջանական, մեր գերիների տառապանքները՝ «հորինված» և ժողովուրդն այս ամենի հանդեպ անտարբեր է, ապա եթե ոչ ժեխ, ապա ինչպե՞ս բնորոշես նրան։ Այսպիսով, կարելի է արձանագրել, որ Հայաստանում, բացի քովիդից, մոլեգնում է առավել վտանգավոր համաճարակ՝ ԺԵԽՏԱԽՏԸ։ Եվ հենց այդ համաճարակի դեմ է պետք գտնել պատվաստանյութ և պարտադիր ձևով ներարկել բոլոր նրանց, ովքեր քվեարկել և պաշտպանում են դավադիր իշխանությանը։

Ավետիք Իշխանյանի ֆեյսբուքյան էջից