Լրագրողների  հետ հանդիպման ժամանակ Գլոբալիզացիայի  տարածաշրջանային համագործակցության կենտրոնի  նախագահ, քաղաքագետ Ստեփան Գրիգորյանը, անդրադառնալով Կազանում կայացած Սարգսյան–Ալիև–Մեդվեդև եռակողմ հանդիպմանը, ասել է, որ, իր կարծիքով, այս հանդիպմամբ ավարտվում է Ղարաբաղի հարցում շատ կարևոր ժամանակաշրջան՝ արհեստական լավատեսությունների շրջանը։

–2006-ից հետո՝ Ռամբուեի հանդիպումից հետո, լավատեսությունն ավարտվեց: Այդ ժամանակ ամերիկացիները հստակ ասում էին, որ վեց ամիս հետո ԼՂՀ-ի հարցը կլուծվի: Դա արհեստական լավատեսություն էր, որից էլ սկսվեց ժամանակաշրջանը: Կազանից առաջ երկու հայտարարություն արվեց ՌԴ ԱԳ նախարարի կողմից: Երբ ՌԴ-ի կողմից պաշտոնական մակարդակով ասվում է, որ կողմերը կստորագրեն թուղթ, իրոք դա լուրջ էր, բայց  ոչ մի հիմք չկար ստորագրել շատ լուրջ փաստաթուղթ–ասել է նա։

Ըստ  Ստեփան Գրիգորյանի՝ Կազանում ոչ մի արդյունք չկա, ինչն էլ լավ արդյունք է:

–Կազանի հանդիպումը մի անգամ էլ ասաց, որ Մինսկի խումբը կարևորագույն ֆորմատն է, և ՌԴ-ի ջանքերն էլ են կարևոր: Փաստորեն, Կազանում հաղթեց տրամաբանությունը: Դա շատ կարևոր է: Հաղթեց այն տրամաբանությունը, որ եթե մենք առնվազն երեք հարցով Ադրբեջանի հետ տարաձայնություններ ունենք, ապա փաստաթուղթ չենք կարող ստորագրել,–ասել է նա։

7or.am