ՌԴ ԱԳՆ–ն հարղոդում է, որ ՌԴ արտակարգ իրավիճակների նախարարության ինքնաթիռները մոտ օրերս Լիբիային մարդասիրական օգնություն կցուցաբերեն։

«Ռուսական ղեկավարությունը որոշում է ընդունել Լիբիայի ողջ կարիքավոր ժողովրդին հավասար չափով մարդասիրական օգնություն ցուցաբերելու մասին՝ անկախ նրանից՝ երկրի որ մասում են նրանք գտնվում։ Մասնավորապես նախատեսվում է մոտ օրերս Ռուսաստանի ԱԻՆ ուժերով Լիբիայի արևմտյան և արևելյան մասեր ուղարկել մի շարք բեռներ, այդ թվում՝ սննդամթերք, վրաններ և այլ իրեր»,–ասվում է հաղորդագրության մեջ։

ՌԴ ԱԳՆ–ն նշում է, որ Տրիպոլիի և ազգային անցումային խորհրդի իշխանությունների հետ պահպանվում են համապատասխան կապեր մարդասիրական օգնությունն ամենակարճ ու ամենահարմար ճանապարհով տեղ հասցնելու նպատակով։

Ռուսաստանի ԱԳՆ պաշտոնական  ներկայացուցիչ Ալեքսանդր Լուկաշևիչն ընդգծել է, որ Մոսկվան լրջորեն անհանգստացած է Լիբիայում ձգձգվող զինված հակամարտությամբ, որը բերել է երկրում մարդասիրական իրավիճակի կտրուկ վատթարացման։